Matthew 27:51 - Syin Chin Bible

⁵¹ Tuaciangin Biakinn sungah kidalna puan a kikhai sia a lu pan a taw dong khen nii in kizensuk hi. Zinliing a suangpite kikhentham in,

Matthew 27:51 Iomraidhean Croise

2 Khangtaanghthu 3:14

A Thiangthobel Mun atu in puanneal le a dang taw puankhai khat kivawt a, vancii, a sandup le a san taw kinimh in, a tungah cherubim lim kisuai hi.

Psalm Late 18:15

Topa awng, na ngalte na teih ciang le thin uukin amate na oksat ciang, tuipi taw le lei tawdapte kilawt hi.

Psalm Late 18:7

Tuasia ciang leitung sia liingin ngawk hi; mualte ii tawdapte kilokin phe vadil hi, banghang ziam cile Pathian thin uuk hi.

Pusuana 40:21

Tua zawkciang ama in Puanbuk sungah Thuciamna Thingkuang koi a, puankhai khak hi. Topa thupiak bangin, Moses in Thuciamna Thingkuang hi bangin seal hi.

Isaiah 25:7

Hi lai ah minam theampo ii heena meeikaaite ama in thakhat thu in hepsak tu hi.

Thiampite 16:2

Ama in, “Thiangtho Bel Mun sung puankhai ii nungah a hun lian ciang a tum natu in na suapuipa Aaron son in, banghang ziam cile tua mun sia Thuciamna Thingkuang sitna tung meei sungah ka kilaakna mun ahi hi. Tua thu a ni buale ama kithatlum tu hi.

Thiampite 21:23

ahizong ama pumpi sitbaang ahikom a thiangtho puankhai kungah pai ngawl tu a, ahibuale biaknatau neak ngawl tu hi. Ama in hi a thiangtho nate ninsak ngawl het tu hi, banghang ziam cile Keima in Topa ka hi a, amate ka thiangthosak hi,” ci hi.

Habakkuk 3:10

Mualte in nang hong mu ciangin liing uh a, van panin tui hong buasuk hi. Leinuai a tuite hawk vabuat a, a tuihualte khangin saangto hi.

Habakkuk 3:13

Na mite le na teal kumpipa hun tu in na kuan hi. Mi ngilote lampui pa na vaatvawk a, a nungzuite na lalcipsak hi.

Mi Simna 4:5

Topa in a nuai a bangin thuhilnate Moses tungah pia hi. Ngiaphual na phel tu uh hun a tun ciang Aaron le a tapate Puanbuk sungah tum tu a, Thuciamna Thingkuang mai ah a om puankhai la in tuasia taw tua Thingkuang siin tu uh hi.

Matthew 27:54

Ngalkap hon ukpa le Jesus a cing ngalkapte in zinliing le thupiang dang theampo a mu uh ciang, lau mama a, “Ama sia Pathian Tapa tatak hi!” ci uh hi.

Matthew 28:2

Thakhatin nasia tak zinliing hi. Topa vantunglalang khat van pan hong tuaksuk a, thaan kong hukna suangtum liikkeak in a tungah to hi.

Mark 15:38

Biakinn sungah kidoina puankhak sia a lu pan a taw dong khen nii kisua in kizen suk hi.

Luke 23:45

tuaciang Biakinn sungah inndoi doina puankhai sia khen nii kisua in, kizentham hi.

Luke 23:47

Ngalkap hon ukpa in a piang thu teng mu a, ama in Pathian pok hi. “Ama sia mihing pha tatak khat hi!” ci hi.

Hebrew te 6:19

Hi lametna sia ih nuntakna atu in, thikkip bangin, ih nei hi. Tuasia in, maanin, muanhuai a, vantung biakinn a kidalna puankhai sia kaantanin mun thiangtho sungnung ah pai hi.

Hebrew te 9:3

Kidalna puankhak a niina sia ii nungsangah Thiangthobel Mun a kici puanbuk khat om hi.

Thupualaakna 11:13

Tua hun laitak nasia tatakin zinliing hi; khuapi ii see sawm sua see khat laltham a, mihing tul sali thi hi. A om lai mihingte lau in vantung ah om Pathian letna pok uh hi.

Thupualaakna 11:19

Vantung ah Pathian biakinn sia kihong a, Thuciamna Thingkuang sia tua munah kimu hi. Tuasia zawkciang khualengin, vanto ngawp a, zinliing in ngial nasia takin kia hi.