Matthew 27:50 - Syin Chin Bible

⁵⁰ Tuaciang Jesus a nging takin a au kik zawkciang a hui tat hi.

Matthew 27:50 Iomraidhean Croise

Daniel 9:26

Tua hun a bo ciang Pathian tealsa lampuipa sia thuak tuak ngawl bulin kithat tu hi. Tua khuapi le Biakinnpi sia ngal sim tu in hong kuan a thahat ngamukpa khat ii ngalkaphonpi in susia tu hi. A tawpna sia tuiliim bangin hong pai tu a, Pathian ii vawtkhol ahi ngal kisimna le suksiatna hong paipui tu hi.

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 27:49

Ahihang pawlkhatte in, “Ngak vun! Elijah in ama hun tu in hong pai ziam, en tawng!” ci uh hi.

Mark 15:37

Jesus in nging takin au in, thi hi.

Luke 23:46

Jesus in nging takin hi bang hong au hi, “Pa awng! Na khut sungah ka thaa kong aap hi!” a ci zawkciang ama thi hi.

John 10:11

“Keima in tuute atu in a nuntakna a pia ngam tuucing pha ka hi hi.

John 19:29

Tua munah kuang khat sungah sapittui haau om hi, tui huupna khat pap sukin, Hyssop thingbaak dawn ah a thua zawkciang, Jesus muk ah taa uh hi.

John 19:30

Jesus in tua sapittui a neak zawkciang, “Kizo zo hi!” ci hi. Tua zawkciang a lu kunsuk in thi hi.

Hebrew te 2:14

Ama ci bangin tua tanote sia chi le sa taw a om mihingte ahi bangma, Jesus ama mama zongh amate bang hong suak a, amate mihing pianzia teng hong siim hi. Hi bang a hina sia banghang ziam cile ama thina tungtawnin thina tungah vaang a nei doaimangpa a lalcipsak natu hi a,

Hebrew te 5:7

Leitung ah a nuntak lai in Jesus in thina pan a ngum thei, Pathian tungah a nging auna le thitui luanna taw thungetna le dei ngetnate nei hi. Ama kiniam khiak a, Pathian ii deina a zuipa ahi hu in, Pathian in za hi.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.