Matthew 27:42 - Syin Chin Bible

⁴² “Ngualdangte hun zo ahihang ama le ama kihun thei ngawl hi. Ama sia Israel te Kumpipa hi ka na ngawl ziam! Thinglamtee tung pan hong tuaksuk le, tuasia ciang ama ki um tu hi!

Matthew 27:42 Iomraidhean Croise

Matthew 2:2

“Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.

Matthew 27:37

A lu tung san ah ama kimawsakna laimal teng taak uh hi. “Hisia in Jesus hi. Jew te Kumpipa hi,” ci in at uh hi.

Matthew 27:40

“Biakinn baltham in ni thum zawkciang a sa kik tu pa, Pathian Tapa na hile, nangma le nangma kihun in! Thinglamtee tung pan hong tuaksuk ta'n,” ci uh hi.

Matthew 27:41

Tuabang tatak ma in thiampi liante, Thukham hil syate le upate in selno uh hi.

Mark 15:31

Tuabang ma in, thiampi liante le Thukham hil syate in Jesus selno zazaan uh a, amate khat le khat hi bangin kici uh hi. “Ngualdang hun hi ve ahihang ama le ama kihun thei ngawl hi!

Mark 15:32

Israel Kumpipa Messiah thinglamtee tung pan hong tuaksuk thei ziam maw en sin tawng, tua hile ama um vak hing!” ci uh hi. Tuaciang in Jesus taw thinglamtee tung a kikilh te nii zongh in Jesus nunau zazaan uh hi.

Luke 19:38

“Topa min taw hong pai Kumpipa tungah Pathian in thupha pia tahen! Vantung ah thinnopna om tahen a, Pathian minthang tahen!” ci uh hi.

Luke 23:35

Jesus sia lampuite in ciammuina in nei uh a, “Ngualdang zongh hun thei hi; Pathian ii teal Messiah ahile ama le ama kihun ve hen!” a ci uh laitakin mihonte in, dingin en hon uh hi.

Luke 23:37

“Jew te kumpipa na hile nangma le nangma kisuaktasak in,” ci uh hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 12:13

Tua ahikom amate in palm thingbaakte la in, ama muak tu in pai uh a, “Pathian pok vun! Topa min taw hong paipa, Pathian in thupha pia tahen! Pathian in Israel Kumpipa thupha pia tahen!” ci in au uh hi.

John 12:47

Kong thupuak sia za napi a ni ngawlte tungah thu ka khen buatu hi. Leitung ngum tu in kong pai a, a tungah thukhen tu in kong pai bua hi.

John 9:24

Mittaw sa a suakpa sia, a nii veina sam kik uh a, ama tungah, “Thumaan ka son tu hi, ci in Pathian mai ah kiciam in! Nang hong damsak pa sia, mimaw khat hi ci in he khu hi,” ci uh hi.

Sawltakte 4:14

Ahizong amate in bangma a ci thei bua uh hi, banghang ziam cile a kidamsakpa sia, Peter le John taw tua munah dingkhawm in a om mu uh hi.