Matthew 27:35 - Syin Chin Bible

³⁵ Amate in Jesus sia thinglamtee tungah kilh uh a, nuangtang lotna taw in a puan teng hawm uh hi.

Matthew 27:35 Iomraidhean Croise

Psalm Late 22:16

Mihing ngilo honkhat sia ka kiim ah hong om a, uihonte bangin kei hong neak hi; amate in ka khut le ka peang pan hong laai hi.

Psalm Late 22:18

Amate in ka puante a hawm natu in aisaan hi.

Luke 23:34

Jesus in “Pa awng, amate mawna maisak in! Amate in bang vawt uh ci zongh a tel bua uh hi,” ci hi. Tuaciang amate in nuangtang lotna taw ama puante hawm uh hi.

John 20:20

Hi teng a ci zawkciang ama in a khutte le a pangh amate tungah lak hi. Nungzuite in Topa a mu uh hu in, lungnopna taw kidim uh hi.

John 20:25

Tua ahikom nungzui dangte in, “Topa ka mu zo uh hi,” ci in ama tungah son uh hi. Thomas in, “A khut tung thikpim mapawnte mu a, ka khutme taw a mapawnte tham in ka khut taw a pangh ka tham buale ka um buatu hi,” ci hi.

John 20:27

Tua zawkciang, Thomas tungah, “Na khutme taw hi sung hong tham ta'n, ka khutte hong en ta'n; tuaciang na khut vaan in ka pangh hong tham ta'n. Um khial heak in, um takpi in!” ci hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 4:10

no teng le Israel mi theampo in hi mihingpa sia thinglamtee tung na thalup, Pathian ii thina pan a phok kik Nazareth mi Jesus Christ min taw dam thiang in hi sung note mai ah hong ding ahi hunlam na heak uh kul tu hi.