Matthew 27:29 - Syin Chin Bible

²⁹ Tua zawkciang lingngui taw kumpilukhu khat vawtin a lu ah khusak hi, tuaciangin ciangkang khat a khut ziatsang ah koi uh a; tua zawkciang a mai ah khupdin in nunau uh hi. “Jew te ii kumpipa a khansau tahen!” ci uh hi.

Matthew 27:29 Iomraidhean Croise

Psalm Late 69:7

Kei hong kiselnona sia nangma hang hi a, maizumna taw ka kikhucip hi.

Isaiah 49:7

A kithusim ngawlhet pa, minamte ii etsat pa le ngamukte ii naseampa tungah Israel te ii a thiangtho Pathian le ngumpa in hi bangin ci hi: “Kumpite in na suatak hong mu tu a, nang tungah zatakna lak tu in hong din tu uh hi; kumpi tate zonghin hong mu tu uh a, nangma mai ah zatakna taw hong kun tu uh hi,” ci hi. hi thu piang nanak tu hi, banghang ziam cile Topa in a naseampa teal zo hi; Israel te ii a thiangtho Pathian in a kamciamnate keamcing hi.

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Jeremiah 20:7

Topa awng, nangma in kei nong theam a, keima theam ka thuak hi. Nangma in kei sangin na hat zaw a, kei nong zo zo hi. Mihing theampo in kei hong nunau uh a; sunkhuateakin amate in kei hong selno uh hi.

Matthew 20:19

Tua zawkciang Gentile te tungah aap tu a, tuate in selno zazaan in, vel tu a, thatlum tu hi; ahihang ni thum zawkciangin, ama sia nuntakna sungah tho kik tu hi,” ci hi.

Matthew 26:49

Judas in Jesus kungah tangtan in pai a, “Thupha nga ta'n, Syapa,” ci in namh hi.

Matthew 27:37

A lu tung san ah ama kimawsakna laimal teng taak uh hi. “Hisia in Jesus hi. Jew te Kumpipa hi,” ci in at uh hi.

Mark 15:17

Amate in puantual sandup khat Jesus in silhsak a, lingngui taw a kivawt kumpilukhu khat a lu tungah khusak uh hi.

Mark 15:18

Tua zawkciang amate in, “Jew te kumpipa a khansau tahen!” ci in zatakna kipia theamsak uh hi.