Matthew 27:25 - Syin Chin Bible

²⁵ “ama ii thina hangin thuak tu a om babang koma le ka suan ka paalte tungah hong tu tahen!” ci in mipi bup in zo hi.

Matthew 27:25 Iomraidhean Croise

2 Samuel 1:16

tuaciang David in Amalek pa tungah, “Hi sia nangma kivawt hi. Topa ii a teal kumpipa khat ka thatlum na ci hu in nangma le nangma kipuavawk ni hi,” ci hi.

1 Kumpite 2:32

Ka pa David ii heak ngawl laanin, mihing a thana hu in Topa in Joab daan pia tu hi. Joab in ama sangin mi pha ahizaw, a maw ngawl mihing nii thatlum a: Israel te ngalkaphonpi ukpa Abner le Judah te ngalkaphonpi ukpa Amasa te ahi hi.

Pusuana 20:5

Milim khat pawpo mai ah kun heak vun, ahibuale bia heak vun, banghang ziam cile keima in Topa na Pathian ka hi a, hong demte ka dual bua hi. Kei hong ngaimawte le amate ii a suan a paalte tungah khang thum khang li dongin daan ka pia tu hi.

Mi Simna 35:33

Na kitansak uh le na teenna ngam le lei a ninsak hi tu nu hi. Mihing thalupna in ngam le lei ninsak a, biakna taw kisai in mihing khat kithalupna mun thiansua natu in mi that sia pa ii a thi tu ngawl buang thudang om ngawl hi.

Matthew 21:44

Hi suang tungah a taak sia akua po ahizong zaantham in vui tu hi; tua suang sia khat po ii tungah a taak ahile tua pa zaantham in thi tu hi.”

Sawltakte 18:6

Amate in nalh in, ama huvau kamsia a pau uh ciang, ama in a lungkim ngawlna a lakna in, a puan tungah leivui baangte thin a, “Na mangthang uh le noma mawna hang hi tu hi! Kei hang hi ngawl tu hi. Tu pan kipan Gentile te kungah pai tu khi hi,” ci hi.

Sawltakte 5:28

“Hisia pa min taw thu hilcian thei nawn ngawl tu nu hi, ci in nasia takin thu kong pia zo uh hi; ahihang tu in bang vawt kik nu ziam! Jerusalem khuathing ah, na thu hilcianna uh kizelsak zo a, ama thina thu kote maw hong pusak nuam nu hi!” ci hi.

Sawltakte 7:52

Na taanghpupite ii a vawtsiat ngawl kamsaang khat beak om ngei kana ziam? Khuangei pek panin, Pathian ii a thutang Naseampa hong pai natu a sonkhol, Pathian kamtaite na thatlum uh hi. Tu in, note in ama leeheak a, suamlum nu hi.

Thuhil kikna 19:10

A maw ngawlte in thina a thuak ngawl natu le, Topa ii hong piak tu ngam sungah a thi uh hu in mawsiatna a thuak ngawl natu in hi bangin seam vun.

Thuhil kikna 19:13

Ama hesuak heak vun. Israel te sung pan mihing that pa bosak vun, tua hile na ma uh vang tu hi.

Joshua 2:19

Khat po doipua ah a pusuak le ama ii thina sia ama ii khialna hi tu a, ko taw kisai ngawl tu hi; ahihang na inn sungah om khat pawpo sia bang khat po a kitawksak ahile ko khialna hi tu hi.