Matthew 27:24 - Syin Chin Bible

²⁴ Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.

Matthew 27:24 Iomraidhean Croise

Psalm Late 26:6

Topa awng, mawbaang ngawl ka hi hunlam ka khut silin kong lak a, na biaknatau kiim ah pai in kong bia hi.

Jeremiah 2:27

Thingkung khat sia ka pa hi, suangtum khat sia ka nu hi a cite — no teng na mai uh zum tu hi. Keima kung hong zuan ngawl a puapial na hi uh kom hi thu piang tu hi. Ahihang ngimna na thuak uh ciang hong hun tu in hong pai ta'n ci in nong ngen uh hi.

Jeremiah 2:35

nang in, ‘Mawna ka nei bua hi; ka tungah Topa thin uuk nawn ngawl takpi hi’ na ci hi. Ahihang keima, Topa in, mawna ka nei bua hi na ci hu in, daan kong pia tu hi.

Matthew 26:5

“Poai hun sungah vawt ngawl tu hi, tuabang hi thong leang, mipite hong ngamlum tu hi,” ci uh hi.

Matthew 27:19

Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.

Matthew 27:23

Ahizong Pilate in, “Ahihang ama in bang khialna vawt na ziam?” ci in dongh hi. Tuasia ciangin, amate in a aw neiza uh taw au in, “Thinglamtee tungah thatlum in,” ci uh hi.

Matthew 27:4

“Mihing mawna nei ngawl khat a thi tu in, leeheak ka hikom ka maw zo hi!” ci hi. Amate in, “Tua thu ko taw bang kisai nawn ziam? Tua thu sia nangma taw kisai bek hi!” ci in zo kik uh hi.

Matthew 27:54

Ngalkap hon ukpa le Jesus a cing ngalkapte in zinliing le thupiang dang theampo a mu uh ciang, lau mama a, “Ama sia Pathian Tapa tatak hi!” ci uh hi.

Matthew 27:9

Tuasia ciang kamsaangpa Jeremiah ii sonkhol teng taangtung hi. “Amate in, Israel mite ii ama man tu a, a thukim uh ngunn dangka sawmthum la in,

John 13:9

Simon Peter in, “Tua ahile Topa awng, ka peang bek hong silsak heak in! Ka khut le ka lu zongh hong silsak ta'n!” ci hi.

John 19:4

Pilate khatvei ma pusuak kikin mihon tung ah, “En vun, ama mawsak natu bangma ka mu ngawlna thu na mu natu in, ama hi sungah hong paipui tu khi hi,” ci hi.

Sawltakte 3:14

Ama sia thiangtho a, pha hi napi na nial uh a, ama taangin, mihing thatpa khat Pilate ii suatak a piak tu in, na ngen zaw uh hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

1 Peter 3:18

Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,