Matthew 27:22 - Syin Chin Bible

²² “Tua ahile Messiah a kici Jesus sia bang law tu khi ziam?” ci in Pilate in dongh hi. “Thinglamtee tungah thatlum in,” ci tek uh hi.

Matthew 27:22 Iomraidhean Croise

Job 31:31

Kei atu na hong sepsak mite theampo in khualmite pha takin vai ka mua tawntung hunlam hong he hi.

Isaiah 49:7

A kithusim ngawlhet pa, minamte ii etsat pa le ngamukte ii naseampa tungah Israel te ii a thiangtho Pathian le ngumpa in hi bangin ci hi: “Kumpite in na suatak hong mu tu a, nang tungah zatakna lak tu in hong din tu uh hi; kumpi tate zonghin hong mu tu uh a, nangma mai ah zatakna taw hong kun tu uh hi,” ci hi. hi thu piang nanak tu hi, banghang ziam cile Topa in a naseampa teal zo hi; Israel te ii a thiangtho Pathian in a kamciamnate keamcing hi.

Zechariah 11:8

Kei hong ensan tuucing dang thumte tungah ka thin a sau zo bua hi, amate teng sia tha khat sungin ka tawpsak hi.

Matthew 1:16

Jacob ta Joseph hi a, Christ kici Jesus Nu Mary pasal ahi hi.

Matthew 27:17

Tua ahikom mipite hong kikhop ciang, Pilate in amate tungah, “Jesus Barabbas hong suatak leng deizaw nu ziam maw, Messiah a kici Jesus hong suatak leng deizaw nu ziam?” ci in dongh hi.

Matthew 27:21

Ahihang Pilate in mipite munah, “Hite nii sung pan koisia hong tha leng na deizaw uh ziam?” ci in dongh hi. “Barabbas,” ci in zo uh hi.

Matthew 27:23

Ahizong Pilate in, “Ahihang ama in bang khialna vawt na ziam?” ci in dongh hi. Tuasia ciangin, amate in a aw neiza uh taw au in, “Thinglamtee tungah thatlum in,” ci uh hi.

Mark 14:55

Thiampi liante le Council buppi in, Jesus a thalup thei natu, a mawna zong ahihang a mu zo bua uh hi.

John 4:25

Tua numei in, “Messiah hong pai tu a, ama hong pai ciangin, thu theampo hong son tu hi, ci in ka he hi,” ci hi.

Sawltakte 13:28

Amate in, Jesus tungah thidaan a piak natu thu mu zo ngawl ahihang Pilate munah, a thalupsak natu in ngen uh hi.

Sawltakte 13:38

Ka mipui Israel te awng, na heak tu ka dei uh thu sia Jesus tungtawnin mawnate kimaisakna hong kihilna thu hi; ama a um peuma in, Moses thukham ii hong suataksak zawk ngawl mawnate theampo panin, hong kisuataksakna thu ahi hi.