Matthew 27:2 - Syin Chin Bible

² Amate in Jesus thikkhau taw khi in, paipui a, Romete ii ngamuk mangpa Pilate kungah aap uh hi.

Matthew 27:2 Iomraidhean Croise

Pianciilna 22:9

Pathian ii a sonkholna mun a thet ciang, Abraham in biaknatau khat vawt a, a tungah thing koi hi. Ama in a tapa heencip in biaknatau tung thing tungah koi hi.

Matthew 20:19

Tua zawkciang Gentile te tungah aap tu a, tuate in selno zazaan in, vel tu a, thatlum tu hi; ahihang ni thum zawkciangin, ama sia nuntakna sungah tho kik tu hi,” ci hi.

Matthew 28:14

Tuaciangin ngamuk mangpa in hi thu a za tha le, note mawna a hi ngawl hunlam ka na son tu uh hi, bangma thinngim natu om ngawl hi,” ci uh hi.

Luke 13:1

Tua hun laitakin, tua munah a om mihing pawlkhat in, sangaw biakpiakna pia in Pathian a bia Galilee mite Pilate ii a thalup huvau Jesus tungah son uh hi.

Luke 20:20

A mat thei natu hunpha zong uh hi. Thuneite le Rome ngamuk mangpa tungah Jesus a aap thei natu in, thinsung takpi taw thu dongh nuam bangin a kiheang tu mihing pawlkhat sumnguk pia in paisak a, Jesus aitaa uh hi.

Luke 23:1

A kikhawm theampo hong ding a, Pilate mai ah Jesus paipui uh a,

Luke 23:12

Tua ni mama in Herod le Pilate ngualtamh suak uh hi; tua masia hun ahile amate kingal vilvel uh hi.

Luke 3:1

A hun sia Kumpilianpa Tiberius ii a maan zawk kum sawm le kum nga a cin hun hi a; Pontius Pilate sia Judea ngamuk mangpa hi in, Herod sia Galilee ngamukpa hi a, a suapuipa Philip sia Iturea ngamkhen le Trachonitis ngamukpa hi; Lysanias sia Abilene ngamukpa hi,

John 18:12

Tua zawkciang Rome ngalkapte, ngalkap hon ukpa le Jew biakinn cingte in Jesus man uh a, khaukhii in,

John 18:24

Tuasia ciang Annas in Jesus heencip sa ma in Thiampi Lianbel Caiaphas kungah puak hi.

John 18:28

Zing tuungin Jesus sia Caiaphas ii inn pan ngamuk mangpa kumpi inn ah kipaipui hi. Jew thuneite in kumpi inn sungsang ah a tum bua uh hi, banghang ziam cile Paisan Poai anneak thei natu in amate zeksa vai in a thiangtho in om nuam uh hi.

Sawltakte 12:6

Mipite mai ah Herod in Peter thusit tu ni ma zanin Peter sia thongcingte nii ii kilaklaw ah mutthip hi. Ama sia thikkhau nii taw kikhii a, a thong kongkha ah thongcingte in cing hi.

Sawltakte 21:33

ngalkap hon ukpa in Paul kungah pai a, ama manin thikkhau nii taw khit tu in thupia hi. “Hi sia pa akua ziam? Ama in bang ngamtatna nei ziam,” ci in dongh hi.

Sawltakte 22:25

Ahihang vel tu in a sawmcip uh ciang, a kung a ding ngalkap bupa munah Paul in, “Rome ngammi khat sia khialna lian khat pawpo atu thu kisit pepeu ngawl lai in, vel tu sia, no atu upadi taw kisi na ziam?” ci in dongh hi.

Sawltakte 22:29

Thakhat thu in, Paul thu a dongh tute ama kung pan heak kik uh hi; Paul sia Rome ngammi khat hi ci in a heak ciang, thikkol a bulsak huvau ngalkap hon ukpa patau hi.

Sawltakte 24:27

Kum nii a kan zawkciangin, Porcius Festus in ngamuk mangpa Felix ii za laih hi. Felix in Jew te tung pan, maipha nga nuam ahikom, Paul sia thong sungah nusia hi.

Sawltakte 28:20

Tua hangin, no taw kimu in kong paupui natu ka nget ahi hi. A tatak ci leang, Israel mite ii a lamet uh pa hu in, hi bangin kei thikkol hong kibul hi,” ci hi.

Sawltakte 3:13

Abraham, Isaac le Jacob te ii Pathian, ih taanghpupite ii Pathian in, a Naseampa Jesus sia Pathian piak minthanna pia hi. Noma in ama sia Jew lampuite tungah na aap uh hi. Pilate in ama suaktasak tu in, a khensat zawkciang zong, Pilate mai ah na nial uh hi.

Sawltakte 4:27

Banghang ziam cile Herod le Pontius Pilate in hi khuapi ah Gentile te le Israel mite taw kisitua in, a thiangtho na Naseampa Jesus, Messiah tu a, na vawt pa sia langpan takpi uh hi.

Sawltakte 9:2

Topa Lampi a zui pate le numeite a mu peuma man khawmin Jerusalem ah a ciapui thei natu, Damascus khua synagogue ukte a lak tu ama thu a kisonna lai ama in ngen hi.

1 Timothy 6:13

Na theampo nuntakna a pia Pathian mai le Pontius Pilate mai ah a upna kho takin, a pualaak Christ Jesus mai ah, nangma thu kong piakna pan

2 Timothy 2:9

Lungdamna Thupha thuhilna in ka nei hu in, ka thuak a, mihing a maw a khialte bangin thikkol taw ngawngawnin hong kikhit hi. Ahihang Pathian kammal sia thikkhau kibul ngawl hi.

Hebrew te 13:3

Thongsung a omte na phawk tavun a, noma zongh amate taw thongtaak khawm bangin kingaisun tavun. Ngim a thuakte na phawk tavun a, noma zongh amate taw ngim a thuak khawm bangin na kingaisun tavun.

Thukhente 15:12

Amate in, “Hi sungah kong paina uh sia nangma letheen tu le amate tungah nangma aap tu in hong pai khu hi,” ci uh hi. Samson in, “Noma tatak ma ii nong thalup ngawl natu kamciam hong pia tavun,” ci in ngen hi.