Matthew 27:19 - Syin Chin Bible

¹⁹ Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.

Matthew 27:19 Iomraidhean Croise

Pianciilna 31:11

Pathian vantunglalang in ka mang sungah hong paupui in, ‘Jacob!’ hong ci a, ‘Om khi hi,’ ci in ka zo hi.

Pianciilna 31:24

Tua zanin Laban mang sungah Pathian kilangh in Laban tungah “Bangbang po ahizong Jacob na lauthawn ngawl natu in kidawm ta'n,” ci hi.

Pianciilna 31:29

Nang kong vawtsiat thei natu in tha nei khi hi, ahizong tu zanin na pa ii Pathian in bangbang po ahizong nang kong lauthawn ngawl natu in kidop tu thu hong pia hi.

Paunakte 29:1

Nang hong kipau hong kihil simin na thin na puisak vaial le ni khat ni ciang sukcipna na thuak tu a, na lu na phong kik zo nawn buatu hi.

Isaiah 53:11

A khan sungah natna ngimna a thuak zawkciang, ama in lungdamna nga kik tu hi; a thuakna a luithawthong ahi ngawl sia ama in he tu hi, Ama sia a thumaan keima naseampa hi a ka lung hong kimsak pa hi. Ama in mihing tam mama ii thuak tu daan piakna sia thuak tu a, ama thuakna hangin amate mawna ka maisak tu hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Mi Simna 12:6

tuaciang Topa in, “Tu in kong thuson tu te ngai vun! Note sungah kamsaangte a om ciang, keima le keima amate kungah mukholnate sung pan ka kilangh a, mangte sung pan amate ka paupui hi.

Matthew 1:20

Tuabangin a ngaisut laitakin, Vantunglalang khat a mang sungah hong kilak a “David ii suan Joseph awng, Mary sia na zi tu in teenpui kiita heak in. Banghang ziam cile ama sia Thaa Thiangtho in ngaisak hi.

Matthew 2:19

Herod thi zawkciang Egypt ngam a om Joseph mang sungah Topa vantunglalang khat kilangh a,

Matthew 2:22

Ahihang Judea ngam ah Herod za a laih sia Archelaus hi, ci in Joseph in a zaak ciang tua ngam a pai tu lau hi. A mang sungah a ngamtat natu kihil thua ahikom Galilee ngam ah pai in Nazareth khua ah teang hi.

Matthew 27:18

Jew mi thuneite in, Jesus eang ahikom ama ii khut sungah aap ahi hunlam sia Pilate in tel hi.

Matthew 27:24

Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.

Matthew 27:4

“Mihing mawna nei ngawl khat a thi tu in, leeheak ka hikom ka maw zo hi!” ci hi. Amate in, “Tua thu ko taw bang kisai nawn ziam? Tua thu sia nangma taw kisai bek hi!” ci in zo kik uh hi.

Luke 23:41

Ahihang ei ih hile ih ngamtatna taw a kiphu tu in, ih thuak ahiciang ahi tu ma hi; ahihang ama in khialna bangma vawt ngawl hi,” ci hi.

Luke 23:47

Ngalkap hon ukpa in a piang thu teng mu a, ama in Pathian pok hi. “Ama sia mihing pha tatak khat hi!” ci hi.

John 19:13

Pilate in hi thute a zaak ciangin ama in Jesus doipua ah paipuisak a, “Suangpheak Kiphana” a kici thukhente tona ah (Hebrew kam in Gabbatha kici hi) to hi.

Sawltakte 12:21

A kiciam ni a thet ciangin, Herod in a kumpi puantual silhin kumpi tokhum tungah to a, mipite tungah thusonna khat nei hi.

Sawltakte 18:12

Gallio sia Rome kumpite in Achaia ngamuk mangpa tu in a koi uh ciangin, Jew te hong kikhawmtua a, Paul manin, thukhenzum ah paipui uh hi.

Sawltakte 18:16

Tuaciangin amate sia zum sung panin, not hi.

Sawltakte 18:17

Amate theampo in synagogue lampuipa Sosthenes man uh a, zum mai ah vel uh hi. Ahihang Gallio in tuasia tawm zongh a awlmaw bua hi.

Sawltakte 25:10

Paul in, “Kumpilianpa ii thukhenna zummai ah thusit thuak tu in ka ding hi. Nangma mama ii na heak bangin, Jew te tungah bangma sep khial nei ngawl khi hi.

Sawltakte 25:17

Amate hi sungah hong pai ciangin, hun bosak thong ngawlin, a zing ciang mama in, thukhenna zum ah ka to a, a mihing pa sia hong paipui natu in ka sawl hi.

Sawltakte 25:6

Festus in amate kungah ni liat pan ni sawm dong bang a taam zawkciangin, Caesarea ah pai hi. A zing ciangin thukhenna zum ah to in Paul a sungtan pui natu in thupia hi.

1 Peter 2:22

Ama in mawna vawt ngawl a, ama kam panin leilot thu pusuak hi ci in kuama in za ngeingawl hi.

1 John 2:1

Ka tate awng, mawna khialna na vawt ngawl natu in hi lai kong at hi; ahihang khat po in mawna a vawt le Pa mai ah ei taangin hong ngetsak tu khat — thutangpa Jesus Christ ih nei hi.