Matthew 27:1 - Syin Chin Bible

¹ Zingsang tuungin thiampi lian theampo le upate in Jesus a thalup natu vaihawm uh hi.

Matthew 27:1 Iomraidhean Croise

Psalm Late 2:2

A kumpite in leedo a, a ukpite taw Topa le a teal kumpipa a thimthamin langpan khawm uh hi.

Psalm Late 31:13

Ngal tam mamate ii a kihuau ka za a, liinna launa sia ka kiimkot ah om hi. Amate in kei hong langpanin ngealna nei uh a, kei hong thasawm uh hi.

Psalm Late 71:10

Ka ngalte in kei hong thatlum nuam a; amate in kikumin kei hong thasawm uh hi.

Micah 2:1

Mutmawklaw liangin thusia a ngealte atu in bangza in lauhuai tu ziam! Amate in zingsangin hunpha a nga pawpo ciang a ngeal sa tatsiatna sia vawt uh hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Mark 15:1

Zingsang tuungin thiampi liante sia upate, Thukham hil syate le Council bup taw a manlang in hong kisitua uh a, amate in vaihawmna nei uh hi. Amate in Jesus thikkhau taw khi uh a, Pilate kungah paipui in aap uh hi.

Luke 13:1

Tua hun laitakin, tua munah a om mihing pawlkhat in, sangaw biakpiakna pia in Pathian a bia Galilee mite Pilate ii a thalup huvau Jesus tungah son uh hi.

Luke 22:66

Khuavak ciangin, amate thiampi liante le thukham hil syate kisitua uh a, tuaciang Jesus sia Council te mai ah paipui uh hi.

John 18:28

Zing tuungin Jesus sia Caiaphas ii inn pan ngamuk mangpa kumpi inn ah kipaipui hi. Jew thuneite in kumpi inn sungsang ah a tum bua uh hi, banghang ziam cile Paisan Poai anneak thei natu in amate zeksa vai in a thiangtho in om nuam uh hi.

Sawltakte 5:21

Sawltakte in, a sawl bangin ni a, khuavak ciangin Biakinnpi sungah tumin, hilcianna nei tu in kipan uh hi. Thiampi Lianbelpa le a pawl a lawmte in Jew lampuite theampo Council bup kikhopna ah kikhawm tu in sam uh hi; tua zawkciangin sawltakte amate mai ah a paipui natu in thonginn ah thupia uh hi.

Thukhente 16:2

Gaza mite in Samson sia tua munah om ci in he ahikom amate in tua mun kiim uum a, zankhuateakin khuapi kongpi ah ama ngakin om uh hi. Zankhuateak in amate thim khipkhep in om a, “Khua hong vak dongin ih ngak tu a, tuasia ciang ama ih thatlum tu hi,” ci in ngaisun uh hi.

1 Samuel 19:11

Tua zan ma in Saul in pasal pawlkhat David inn encik tu le zingsang ciang ama thatlum tu in paisak hi. David ii zi Michal in a kidop natu in sonkhol a, “Tuni tak na kiheam buale zingsang ciang thi tu ni hi,” ci hi.