Matthew 26:61 - Syin Chin Bible

⁶¹ “Hisia pa in Pathian ii Biakinn baltham in ni thum sung ka sa kik thei tu ci hi,” ci hi.

Matthew 26:61 Iomraidhean Croise

Pianciilna 19:9

Ahihang amate in, “Nang ngamdangmi awng, hong pial ta'n! Ko, bang seam tu ci hong sawl sia akua ni ziam? Hong pial ta'n, tua ahibuale amate tung ka vawt tu uh sangin a sia zaw in nang kong vawt tu uh hi,” ci uh hi. Amate in Lot a nungsangah sawnin, innkha sutham tu in pai uh hi.

1 Kumpite 22:27

Amate in ama thong sungah koi hen a, bangma tat ngawlin kong heak kik dong anluum le tui bek taw na vaak hen, ci in son in,” ci in thupia hi.

2 Kumpite 9:11

Jehu sia a ngalkap maang puite kungah pai kik a, amate in, “Na theampo a pha na'am? Tua a mawmawt tuak pa sia in nang tung pan bang dei ziam?” ci uh hi. Jehu in, “Ama ii dei sia he nu hi,” ci in zo hi.

Isaiah 49:7

A kithusim ngawlhet pa, minamte ii etsat pa le ngamukte ii naseampa tungah Israel te ii a thiangtho Pathian le ngumpa in hi bangin ci hi: “Kumpite in na suatak hong mu tu a, nang tungah zatakna lak tu in hong din tu uh hi; kumpi tate zonghin hong mu tu uh a, nangma mai ah zatakna taw hong kun tu uh hi,” ci hi. hi thu piang nanak tu hi, banghang ziam cile Topa in a naseampa teal zo hi; Israel te ii a thiangtho Pathian in a kamciamnate keamcing hi.

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Matthew 12:24

Pharisee te in hi thu a zaak uh ciang “Doaite a ukpa Beelzebul in ama ii vaangletna pia a tua hu in doaite notkeak thei hi thong zam,” ci uh hi.

Matthew 26:62

Thiampi Lianbelpa hong ding a Jesus munah, “Nang tungah maw hong kisuanhte na zo kik natu he ngawl ni ziam?” ci hi.

Matthew 26:71

Tuaciangin leitual tumna kongbiang ah pai hi. Naseam numei dang khat ma in mu a, “Ama sia Nazareth khua mi Jesus taw a kithawl khat hi,” ci in mite tungah son hi.

Matthew 27:40

“Biakinn baltham in ni thum zawkciang a sa kik tu pa, Pathian Tapa na hile, nangma le nangma kihun in! Thinglamtee tung pan hong tuaksuk ta'n,” ci uh hi.

Matthew 27:5

Judas in a dangka teng Biakinn sungah vawk in nusia a, tua zawkciang ama pusuak in ama le ama awklum hi.

Mark 14:58

“Mihingte vawt Biakinn hisia ka baltham tu a, ahihang ni thum zawkciang mihingte vawt ngawl khat ka sa kik tu hi,’ ci in a pauna ka za uh hi,” ci hi.

Mark 15:29

Tua mun kaantan in a pai mihingte in, lupei san in nunau zazaan uh hi. “Heii! Biakinnpi baltham in ni thum sung ka sa kik thei tu ci ni hi.

Luke 23:2

tua munah amate in hi bangin mawsiat uh hi: “Hisia pa in, ka minamte lampui khial in, Kumpilianpa zongh shia piak ngawl natu in, mihingte hol in, ama le ama Messiah kumpipa ka hi hi a ci laitakin ka man uh hi,” ci hi.

John 9:29

Pathian in Moses paupui hi, ci in he khu hi; ahizong ziasia pa ahile koisung pan hong pai ziam, ci sia he beak ngawl khu hi!” ci uh hi.

Sawltakte 17:18

Epicurean syate le Stoic syate zongh in, ama taw thu kinial uh hi. Pawlkhat in, “He ngawl napi, a kihesak hisia pa in, bang teng son nuam ziam,” ci in dongh hi. A dangte in, “Ama ii son sia, ngamdangte pathiante hi tuak hi,” ci in zo kik hi. Banghang hi bangin ci ziam cile, ama in Jesus thu le a thaw kikna thu a hil hang ahi hi.

Sawltakte 18:13

“Hi sia pa in thukham taw a kisi ngawl biaknazia taw Pathian biak natu mihingte zol tu in hanciam hi!” ci uh hi.

Sawltakte 22:22

Paul ii hi bang teng a son ciang dong, amate in ngai uh hi; ahihang tua zawkciangin, amate in a aw nei za taw au a, “Ama heam vun! Thatlum vun! A nungta tu in kilawm ngawl hi!” ci uh hi.