Matthew 26:55 - Syin Chin Bible

⁵⁵ Tua zawkciang mipite tungah Jesus in, “Mihing that taiku bangin hong ngaisun a, namsau le moltawng taw kei man tu in hong kuan na hi uh ziam? Ni simin Biakinn sungah to in hilna ka nei lai in, nong man bua uh hi.

Matthew 26:55 Iomraidhean Croise

Matthew 21:23

Biakinn sungah Jesus heak kik a, hilna a nei ciangin, thiampi liante le upate in, “Hi bang na sep thei natu in bang thuneina nei ni ziam? Akua in hi thunei theina hong pia ziam?” ci in dongh uh hi.

Matthew 26:47

Jesus sia tuabangin a papau laitak, nungzui sawm le nii sungah khat ahi Judas hong theng hi. Namsau le moltawng a toai, thiampi liante le upate ii a sawl mihon khat, ama in hong tonpui hi.

Mark 10:1

Tua zawkciang Jesus in tua mun nusia in, Judea ngam ah pai a, Jordan Ngun kaantan hi. Mihonpite hong kikhawm kik a, a hil ngei tawntung sa bangma in amate hil hi.

Mark 12:35

Biakinn sungah hilna a nei laitak Jesus in, “Thukham hil syate in bangbangin Messiah sia David ii suan hi ci thei ziam?

Luke 19:47

Ni simin Jesus in Biakinn sungah thuhil hi. Thiampi liante, Thukham hil syate, le mihon lampuite in ama thatlum nuam uh hi;

Luke 20:1

Ni khat Jesus in Biakinn sungah mihonpite Lungdamna Thu huvau hilna le thuhilna a nei laitakin, Thiampi liante, Thukham hil syate, le upate hong pai a,

Luke 4:20

Jesus in laizial zialin, a keampa tungah a aap kik zawkciang ama to hi. Synagogue sungah a to theampo in, ama lamdang et tek uh a,

John 7:14

Poai a lang bang a kiman zawkciang, Biakinn ah Jesus pai in hilcianna kipan hi.

John 7:28

Jesus in Biakinnpi sungah a hil laitakin, awnging taw, “Kei hong he takpi nu ziam, tuaciang kei koisung pan hong pai ci in hong he nu ziam? Keima aituam thuneina taw hong pai ngawl khi hi. Ahizong kei hong sawlpa ahile thumaan hi. Note in ama na he bua uh hi,

John 8:2

A zing ciang zing tuungin ama Biakinnpi ah pai kik hi. Mihing theampo ama ii kiim ah kikhawmtua uh a, tuaciangin ama to in amate hilcian tu in kipan hi.

John 8:20

Jesus in hi thute theampo, Biakinn sung sumpi bungte koina inndoi sungah a hilcian laitakin a son ahi hi. Tuaciangin ama kuama in a man bua uh hi, banghang ziam cile ama ii hun a tung bualai hi.