Matthew 26:42 - Syin Chin Bible

⁴² Khatvei ma, Jesus pai in thu ngen hi, “Ka Pa awng, hi hai ka dawn phot ngawl peuma in, hi thuakna hai sia hong kilaaksak ngawl tu ahile nangma deina bang hi tahen,” ci hi.

Matthew 26:42 Iomraidhean Croise

Matthew 20:22

Tapate nii munah Jesus in, “Na nget uh sia bang ziam ci in tel ngawl nu hi. Hi thuakna hai ka dawn tu sia dawn zo natu nu ziam,” ci hi. “Dawn zo tu khu hi,” ci uh hi.

Matthew 26:39

Ama sia tawm a pai zawkciang, lei ah bokcip in, thungen hi. “Ka Pa awng, ahithei le hi thuakna hai sia kei tung pan hong laaksak ta'n! Ahihang kei dei bang hi ngawlin, nangma deina bang hi tahen,” ci hi.

Matthew 26:43

Khatvei ma hong heak kik a, nungzuite sia a mu sa ma in mu leleau hi; amate a mit hak zo mama ngawl uh hi.

Matthew 6:10

na Kumpingam hong piang tahen; Vantung ah na deina a kicin bangin Leitung ah kicing tahen.

Mark 14:36

“Pa awng, Ka Pa awng! Na theampo nang atu in suak thei hi. Hi thuakna hai sia kei kung pan hong laaksak ta'n. Ahihang kei deina bang hi ngawlin, nangma deina bang hi tahen,” ci in thungen hi.

Luke 22:42

“Pa awng, nang deina ahile hi thuakna hai sia kei kung pan hong laksak ta'n. Ahizong kei deina bang hi ngawlin, nang deina bang hi tahen,” ci hi.

John 6:38

banghang ziam cile keima aituam deina a seam tu in vantung pan hong pai ka hi bua a, hong sawlpa deina a seam tu in, hong pai ka hi hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.