Matthew 26:28 - Syin Chin Bible

²⁸ hi sia in ka chisan hi a, Pathian thuciamna a kipsak, mihing tam mamate mawna a kimaisak natu a bua ka chisan ahi hi.

Matthew 26:28 Iomraidhean Croise

Jeremiah 31:31

Topa in, “Israel mite le Judah mite taw thuciamna thak khat ka vawt tu hun hong theng tu hi.

Thiampite 17:11

A nungta theampo ii nuntakna sia chi sungah om hi, tua ahikom mihingte mawmai natu in chi theampo biaknatau tungah a kisun natu Topa thupiak ahi hi. Nuntakna a hi chisan in mawna teng lakeak hi.

Zechariah 9:11

Topa in, “Sangaw biakpiakna chisan taw a kikipsak ka thuciamna hangin na saltanna mun, tui om ngawlna dum sung pan note kong suaktasak tu hi.

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 26:27

Tua zawkciang hai la in, Pathian tungah lungdamko a, amate pia hi. “Na vekpi in ne vun,

Matthew 26:29

Kei kong cina pan, ka Pa Ngam sungah note taw sapittui thak ka neak mateng hi sapittui sia ka ne nawn buatu hi,” ci hi.

Matthew 6:12

Ko tungah hong khialte ka maisak uh bangma, Kote khialna zongh hong maisak ta in.

Mark 1:4

Tuabangin John sia sennealngam sungah hong kilak a, ama in thuhil in tuiphum hi. “Na mawna pan kisiik kik vun a, tui kiphum vun, tua hile Pathian in na mawnate hong maisak tu hi,” mipite tungah ci hi.

Mark 14:24

“Hisia in mihing tam mamate atu a kibua ka chisan hi, Pathian thuciamna a kipsak ka chisan ahi hi.

Luke 22:19

Tua zawkciangin anluum bekno khat la a, Pathian pokin, a balneen zawkciang amate pia a, hi bangin ci hi. “Hisia no atu hong kipia ka pumpi ahi hi. Kei nong phawna in, hi bang na vawt vun,” ci hi.

Luke 22:20

Tuasia bangma nitak anneak zawkciang, amate hai pia a, hi bangin ci hi. “Hi hai sia Pathian thuciamna thak no atu a hong kibua ka chi taw, a kikipsak sia ahi hi.

Romete 5:15

Ahihang tuate ngeal kibang ngawl hi, banghang ziam cile Pathian ii a thong a hong piak letsong in Adam ii mawna taw kibang ngawl hi. Tua mihing khat ii hu in mihing tam mama thi hi. Ahihang Pathian ii thuthiamna lian zaw pek a, tuasia bangma in mihing khat ahi Jesus Christ ii thuthiamna tungtawnin a thong a hong piak letsong sia lian zaw hi.

Romete 5:19

Mihing khat ii thunit ngawl hu in mihing theampo mawnei a kisuasak bangma in, mihing khat thunit hu in mihing theampo Pathian mai ah thutangte kisuaksak hi.

1 Corinth te 11:25

Tuasia bangma zan an a neak zawkciang ama in hai la in, “Hi hai in ka chi taw a kikipsak Pathian ii thuciamna thak ahi hi. Na dawn uh simin, kei nong phawna in na dawn vun,” ci hi.

Ephesus te 1:7

Banghang ziam cile Christ ii chisan hangin eite kisuakta a, tua thu in ih mawna kimaisak hi, cinopna hi. Pathian ii thuthiamna bangza in lian ziam,

Colossae te 1:14

A chisan hangin eite ih suakta a, ih mawnate hong kimaisak zo hi.

Colossae te 1:20

Tuaciang Tapa tungtawnin Pathian in vaannuai buppi sia ama kung a thet kik thei natu in khensat hi. Thinglamtee tungah a kibua Tapa ii chisan tungtawnin Pathian in kilemna piangsak a, leitung vantung ah a om, na theampo ama kungah then kik siat hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Hebrew te 13:20

A nuntakna biakpiakna in a piak hu in Tuucing Lian ahi Topa Jesus sia Pathian in thina pan tho kiksak zo a, tuaciang a chisan hu in a tawntung thuciamna sia kikipsak zo hi. Kilemna Pathian in ama ii dei sia na vawt thei natu in na kisap uh vanh pha theampo hong pia tahen a, tuaciang ama diksak sia Jesus Christ tungtawnin ei sungah hong seam tahen. Christ tungah minthanna a tawntung a tawntungin om tahen! Amen.

Hebrew te 9:28

Tuasia bangma in, Christ zongh mihing tampite mawna a laaksak tu in, a nuntakna khatvei lian a kipia ahi hi. Ama sia a nii veina hong kilangh tu a, mawna taw kipekan tu hi nawn ngawlin, ama ngak nginge in a omte hun tu ahi hi.

1 John 2:2

Tuaciang Christ mama in eite ii mawna bek hi ngawlin a kuama po ii mawna zongh maisakna a pianna pa ahi hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.

Thupualaakna 7:9

Hisia zawkciang ka et le, kuama ii sim zawk ngawl tu mihonpi khat om hi! Amate sia minam, bee le phung, ngam tuatuam le kam namcin pan hi a, amate in puantual kaang silh a, a khut sungah palm sawl toai in Tuuno kumpi tokhum mai ah ding uh hi.