Matthew 26:27 - Syin Chin Bible

²⁷ Tua zawkciang hai la in, Pathian tungah lungdamko a, amate pia hi. “Na vekpi in ne vun,

Matthew 26:27 Iomraidhean Croise

Psalm Late 116:13

Kei hong hutna lungdamkona in Topa tungah sapittui biakpiakna ka pia tu hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Solomon ii La 7:9

Na muk sia sapittui phabel taw kibang hi. Tua ahile sapittui sia ka ngaino kungah luang tahen a, a muk le a ha khuum tahen.

Isaiah 25:6

Vaanglianbelpa Topa in hi sung Zion Mual tungah leitung minamte theampo atu in anneakpoai khat — a limbel an le a phabel sapittui taw na vawtsak tu hi.

Isaiah 55:1

Topa in, “A dangko theampo awng, hong pai tavun — hi lai ah tui om hi! Hong pai tavun, no sum nei ngawlte awng — an lei vun a ne vun! Hong pai tavun! sapittui le khuinoai lei vun — nang atu bangma man ngawl tu hi!

Matthew 15:36

Tuasia ciang Jesus in anluum sali le ngasate la in, Pathian tungah lungdam a ko zawkciang, balneen in a nungzuite pia hi; tuaciang in nungzuite in mipite pia sawn uh hi.

Matthew 26:26

A an neak uh laitakin, Jesus in anluum bek khat la in, lungdamko thungetna a nei zawkciang, baltham in a nungzuite pia hi. “La in ne vun, hisia in ka pumpi ahi hi,” ci hi.

Matthew 26:28

hi sia in ka chisan hi a, Pathian thuciamna a kipsak, mihing tam mamate mawna a kimaisak natu a bua ka chisan ahi hi.

Luke 22:20

Tuasia bangma nitak anneak zawkciang, amate hai pia a, hi bangin ci hi. “Hi hai sia Pathian thuciamna thak no atu a hong kibua ka chi taw, a kikipsak sia ahi hi.

1 Corinth te 10:16

Topa ii Zan An neakna hai hangin Pathian tungah lungdam ih ko hi; tua hai taw ih dawn ciang Christ ii chisan a siim khawmte ih hi hi. Tuaciang anluum ih balneen hi: hi a kibalneen anluum ih neak ciang, Christ ii pumpi a siim khawmte ih hi hi.

1 Corinth te 11:28

Tua ahikom mihing sim in, ama le ama kisittel phot tu a, tua zawkciang anluum ne in, hai panin dawn tu hi.