Matthew 26:24 - Syin Chin Bible

²⁴ Mihing Tapa sia Laithiangtho in thi tu hi a ci bangma in thi tu a, ahihang Mihing Tapa a leeheak sia atu in, bangza in lauhuai ziam? Tua pa atu in pian awl zaw le phazaw hi,” ci in zo hi.

Matthew 26:24 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Psalm Late 55:15

Ka ngalte sia amate hun a cin ma in thi tahen; mithi khua ah amate a hingtang in zuansuk tahen! Siatna sia a inn sung le a thinsung uh ah om hi.

Psalm Late 55:23

Ahihang, Pathian awng, mihing thatte le a leilotte nangma in amate khanlang a cin ma in a thaankuulte ah na paipui tu hi. Kei ka hile nang kong muang tu hi.

Daniel 9:26

Tua hun a bo ciang Pathian tealsa lampuipa sia thuak tuak ngawl bulin kithat tu hi. Tua khuapi le Biakinnpi sia ngal sim tu in hong kuan a thahat ngamukpa khat ii ngalkaphonpi in susia tu hi. A tawpna sia tuiliim bangin hong pai tu a, Pathian ii vawtkhol ahi ngal kisimna le suksiatna hong paipui tu hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Matthew 18:7

Mihingte upna a lalsak thei nate om ahikom, hi leitung atu bangza in kiitakhuai ziam? Tuabangte sia hong piang tawntung tu hi, ahihang tuabang a piangsakte atu in, bangza in lauhuai ziam?

Matthew 26:31

Tuaciangin Jesus in amate munah, “Zan ciang tatak ma in no na vekpi in taikeak in kei hong nusia siat tu nu hi, banghang ziam cile laithiangtho in, ‘Pathian in tuucingpa thatlum tu a, tuute sia kithethaang tu hi,’ ci hi.

Matthew 26:54

Ahihang tuabang hi thong le, Laithiangtho in hi teng tung tu hi, a ci sia koibangin tung nawn tu ziam?” ci hi.

Matthew 26:56

Ahihang hite theampo sia kamsaangte ii Laithiangtho sung a at teng a taangtun natu ahi hi,” ci hi. Tuaciangin a nungzuite theampo ama nusia in taikeak uh hi.

Mark 14:21

Laithiangtho ii ci bangin, Mihing Tapa ahile thi tu a, ahihang Mihing Tapa a leeheakpa atu in bangza in lauhuai ziam? Tua pa atu in pian awl zaw le phazaw hi!” ci hi.

Mark 9:12

A zo kikna pan, “Na theampo puua khol tu in Elijah hong pai masa takpi hi. Ahitazong, Mihing Tapa in nasia takin thuak tu a, ama kinial tu hi, banghangin Laithiangtho in ci ziam?

Luke 22:22

Pathian khensatna sa om bangin, Mihing Tapa sia thi tu hi, ahihang tuabang a ama a leeheak pa atu in, bangza in lauhuai ziam!” ci hi.

Luke 24:46

tuaciang ama in amate tungah, “A ki at sia hisia hi: Messiah in thuak tu hi, a ni thum zawkciangin thina pan tho kik tu a;

John 17:12

Amate taw ka omkhop lai in, nong piaksa min ahi na min vaanglian taw, amate ka keamcing zo hi, laithiangtho a tun thei natu, a mangthang tu in a kilaitan sa khat simngawl amate ka keam a, ka bosua bua hi.

John 19:24

Ngalkapte khat le khat kikum a “Hi sia balkeak bua tawng; akua in ih nga ziam, meesawk tawng,” ci uh hi. Laithiangtho sungah hi bang a ci sia a taangtun natu ahi hi: “Amate in ka puante hawm a, ka Puantual atu in kikhaam uh hi,” Hisia in ngalkapte ii ngamtatna ahi hi.

John 19:28

Tu in na theampo khuangkhim siat zo hi, ci in Jesus in he hi; tuaciang laithiangtho kammal a tun natu in, Jesus in, “Ka dangko hi,” ci hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 28:23

Tua ahikom, Paul taw a ni kiciam a, tua ni in mihing tam mama Paul omna ah hong pai uh hi. Zingsang pan zan dong, amate tungah Pathian Ngam thu hil thiang a, Moses Thukham le kamsaangte lai at nate sisanh in, Jesus thu a tel thei natu hanciam in son hi.

Sawltakte 4:28

Nangma vaangletna le na deina taw tuabangin piang hen ci a, na khensat sa theampo a taangtun natu in, amate kisitua uh hi.

1 Corinth te 15:3

Keima ii ka nga sa teng note tungah kong pia sawn hi, tua thu in thupibel hi: banghang ziam cile Laithiangtho ii at bangma in Christ in eite ii mawna hangin thi hi;