Matthew 26:21 - Syin Chin Bible

²¹ Anneak laitakin Jesus in, “A maan takin ka ci ciang note sung pan khat in kei hong leeheak tu nu hi,” ci hi.

Matthew 26:21 Iomraidhean Croise

Matthew 26:2

“Na heak uh bangma, ni nii zawkciang Paisan Poai hong theng tu a, tuaciang Mihing Tapa sia thinglamtee tungah thalup tu in ki aap tu hi,” ci hi.

Matthew 26:22

Nungzuite a thin uh nuam ngawl a, khat zawkciang khat in, “Topa, kei hong ci nuam na hi bua na ziam?” ci in dongh uh hi.

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.

John 13:21

Jesus in hi teng a ci zawkciang ama a thinngim mama a, a langh taakin hi bang pau hi, “A maan tak kong ci hi: no sung pan khat in kei hong leeheak tu hi,” ci hi.

John 13:22

A nungzuite khat le khat ki en a, ama ii ci nop sia akua ziam ci in lungmang mama uh hi.

Hebrew te 4:13

Pathian mai ah bangma a kiseal thei bua hi; bitphua sa na theampo sia ama mai ah kipualaak siat hi. Tuaciangin ih sep ih vawt sa theampo tungah thu hong sit tu sia ama ahi hi.

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.