Matthew 25:41 - Syin Chin Bible

⁴¹ “Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 25:41 Iomraidhean Croise

Psalm Late 119:115

No, mawnei mite awng, kei kung panin tai vun. Ka Pathian thupiakte ka zui tu hi.

Psalm Late 119:21

A kiphasakte na mawsak hi; na thupiakte a ni ngawlte haamsiatna thuak tahen.

Psalm Late 139:19

Pathian awng, mihing seksolte hong thalupsak le te ka uuk hi! mihing ngoltolte, kei hong nusia in tai le ka uuk hi!

Psalm Late 6:8

No a ngilo te kei kung pan kiheam vun! Ka Topa in ka kaana hong za hi;

Isaiah 66:24

“Amate a cia uh ciang kei hong langpan te ii luanghawmte mu tu uh hi. Amate a ne lungte thi ngeingawl tu a, amate kihalna meite kimit ngeingawl tu hi. Amate sia mihing nam theampo in a kiihuai in mu tu uh hi,” ci hi.

Jeremiah 17:5

Topa in, “Kei kung pan a puapialte le mihing a muang, a thithei mihing ii thahatna a suangte sia ka puavawk tu hi.

Matthew 13:40

Mimpheite kitawm in meikuang sungah a kihal bangma in, hun bo ciang, tuabang ma a hi tu hi:

Matthew 13:42

tuaciangin amate in tua mite meiphual sungah sep tu hi, tua munah amate kapin ha ngoai tu uh hi.

Matthew 13:50

meiphual sungah amate vawk tu a, tua munah ha ngoai in kap tu uh hi.

Matthew 18:8

“Na khut ahibuale na peang in, na upna hong taansak le saattan in vawk in! Tawntung meikuang sungah khutcing peangcing hong kibum sangin, nuntakna sungah khutsamh peangsamh in tum lete phazaw hi.

Matthew 25:42

Ka ngilkial laitakin hong vaak ngawl nu hi, ka dangko laitakin ka neak tu bangma nong pia bua uh hi;

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

Matthew 4:10

Tuasia ciang Jesus in, “Satan awng, tai in! Laithiangtho in, ‘Na Topa Pathian bek bia vun a, Ama atu bek sepsak vun!’ ci hi,” a ci hi.

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Matthew 7:23

Tuasia ciang, ‘Note hong he ngei bong, Ka kung pan taikeak vun, no misiate awng!’ ka ci tu hi.

Luke 13:27

Ahihang hi bangin hong ci tu hi. ‘Ka kung panin tai vun, mihing ngilote awng!’ hong ci tu hi.

Luke 16:24

Tua ahikom ama in biakpui a, ‘Pa Abraham awng! Hong hesuak ta'n. Lazarus ii khutme dawn tui sungah pap in ka leei hong votsak tahen, banghang ziam cile hi mun meikuang sungah ngim nga mama khi hi’ ci hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

2 Thessalonica te 1:7

tuaciang no a thuakte le ko zongh nopsakna hong pia tu hi. Topa Jesus in ama ii a thahat vantunglalangte taw

2 Thessalonica te 1:9

Ama ii mihing theampo le a thu um mihingte tung pan minthanna le vaang piakna a nga tu in, tua Ni Topa hong pai ciang, Topa mai le vaanglet minthan na pan amate kikhen tu a, tawntung lalcipna daan thuak tu hi. Note zongh, ko ii kong son thute um zo na hi uh ciangin tua thu um te sungah na kihel tu uh hi.

Hebrew te 6:8

Ahihang lopa le lingkungte a posak a ahile, tua leitang sia a mannung bua hi. Pathian ii haamsiat tu le, meikuang taw a halcip tu lauhuai hi.

2 Peter 2:4

Pathian in a maw a khial vantunglalangte khoaikhe ngawlin, hell sung denna in nei hi, amate tua mun khuazing sungah Thukhenna Ni ngak tu in koltaang hi.

1 John 3:10

Pathian ii tate le Doaimangpa tate kilaklaw ah, a kilamdanna in hisia ahi hi: thutangin a ngamta ngawl ahibuale ngual a it ngawl khat pawpo sia in Pathian ta ahi bua hi.