Matthew 25:21 - Syin Chin Bible

²¹ ‘Pha hi, a thumaan naseam pha pa awng, tawmno na zeakna tungah thumaan na hikom, tampi zeakna ah a uk tu in kong koi tu hi. Kei taw lungdam khawm tu in hong pai ta'n!’ ci hi.

Matthew 25:21 Iomraidhean Croise

Paunakte 14:35

Kumpipate in nasep thiam uliante diksa uh a, ahihang nasep thiam ngawlte daan pia uh hi.

Paunakte 28:20

Thumaan mihingte in nuntakna kicing taw lungdamin a nungta tu uh hi. Ahihang hau tu kaal na ngakla uh le daan na thuak tu uh hi.

Matthew 24:45

“Thumaan a, a ciim naseampa sia akua bangte ziam? Ama sia naseam dangte a uk tu le a hun a hun in an a pia tu in a kikoipa ahi hi.

Matthew 24:47

A tatakin kong ci ciang, a topa in tua naseampa sia a neisa theampo uk tu in koi tu hi.

Matthew 25:23

‘Pha hi, a thumaan naseam pha pa awng! Na tawmno tungah thumaan na hikom, na tampite uk tu in, kong koi tu hi. Kei taw lungdam khawm tu in hong pai ta'n!’ ci hi.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Luke 12:44

A tatak ka ciciang, a topa in tua naseampa sia a neisa theampo a uk tu in koi tu hi.

Luke 16:10

Thu note tungah a thumaante sia thuliante tung zongh ah thumaan tu hi; thunote tungah a thumaan ngawlte sia thuliante tung zongh ah a thumaan buatu hi.

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

John 14:3

No atu pai in, omna ka pua khol zawkciang kong heak kik tu a, keima omna ah na om thei natu in ka kungah kong la tu hi.

John 17:24

“Pa awng! Amate nong piaksa hi a, nong piaksa ka minthanna sia a mu thei natu in, ka omna munah hong om tek tu ka dei hi; banghang ziam cile, simlei a kipiansak ma in, nong it zo hi.

Romete 2:29

Jew tatak a kicite sia a sungsang Jew hi a, a thinsung vunteap a ki at, tua zongh Pathian Thaa ii sepna taw a ki at hi in, thukham ii sep le vawt ahi ngawlte hi. Hi bang mite in mihingte pokna hi ngawlin Pathian pokna saang uh hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

2 Corinth te 10:18

Banghang ziam cile mihing khat sia, ama le ama pha a kisak ciang hi ngawlin, a phat takpi hunlam a kimu ciangin tua pa sia Topa in pha hi ci in a ngaisun hi.

2 Corinth te 5:9

Tua ahikom hi sung inn ah ahizong, tuasung inn ah ahizong thudang theampo sangin Ama ih lungkimsak tu sia ih deibel ahi hi.

Philippi te 1:23

Kei sia ka lang le ka lang panin hong kikang hi. Hi nuntakna nusia in Christ taw ka omkhawm nuam mama a, tua in a phazaw kan thu ahi hi;

1 Timothy 3:13

Pawlpi upa nasep pha takin a seamte in amate atu dinmun pha khat nga hi a, Jesus Christ sungah a upna hangsan takin son ngam tu hi.

2 Timothy 2:12

Thuakna ih zom to suak le ama taw ih maangkhawm tu hi. Ama ih nial le, ama zongh in hong nial tu hi.

Hebrew te 12:2

A kipatna pan a tawp dong upna a piangsak pa, a kicingsakpa Jesus mitsuan tawng. Ama sia thinglamtee hangin thinkiam ngawl hi! Ama a ngak nginge lungdamna hangin, thinglamtee tungah maizum thina sia pha maw sa ngawl zaw a, tu in Pathian tokhum ziatsang ah to hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.

Thupualaakna 21:7

Zawna a nga pawpo kei tung pan a saan tu thu in: Kei sia amate ii Pathian ka hi tu a, ama sia Keima tapa ahi tu hi.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.

Thupualaakna 7:17

banghang ziam cile kumpi tokhum laizang ah a om Tuuno in amate ii tuucingpa hi tu a, amate sia nuntakna a pia ciktuite ah paipui tu hi. Tuaciang Pathian in amate mittang sung pan thitui theampo nawlsak tu hi,” hong ci hi.