Matthew 25:16 - Syin Chin Bible

¹⁶ Dangka tulnga a kipia naseampa in, thakhat ma in sumvawt in, a dang tulnga ma nga thua hi.

Matthew 25:16 Iomraidhean Croise

1 Khangtaanghthu 28:2

David in amate mai ah ding a, amate tungah, “Ka ngammite awng hong ngai tavun. Topa ih Pathian peang ngakna Thuciamna Thingkuang koi natu in a om tawntung tu inn kip khat sa nuam khi hi. Pathian patoaina in biakinn khat sa tu ka kinging zo hi,

Isaiah 23:18

Ama ii sumvawtna pan a thalaw sumte Topa tungah ki aap tu hi. Ama in tua sumte kholcip thawthong ngawlin, Topa a bia mite in amate atu a kisamh an le puante leina in zangh tu hi.

Isaiah 49:23

Kumpite sia no tungah pate bang hong hi tu hi; kumpinu te sia nute bang hong hi tu hi. Amate in na mai uh ah kun sukin hong upat tu uh hi; amate kiniamkhiakin note zatakna hong lak tu uh hi. Tuasia ciang Topa ka hina thu na he tu uh hi; keima ii hu tu a ngak peuma thin kiam ngawl tu uh hi,” ci hi.

Matthew 18:24

Hi bangin vawt tu a kipat ciangin, amate sung panin, talen awn tam mama leiba nei khat hong kipaipui hi.

Matthew 25:17

Tuasia bangma in dangka tulnii a nga sia zongh in, a dang tulnii ma nga thua hi.

Luke 19:13

A vai din ma in a naseamte sawm sam a, khamh dangka khat tek pia in hi bangin ci hi. “Ka om ngawl sung teng in hisia taw bangza na meetsak thei uh ziam kisin vun,” ci hi.

Sawltakte 13:36

Banghang ziam cile David in a nuntak lai in Pathian ii deinate a sepsak zawkciang thi a, a taanghpupite taw kivui khawmin thaan sungah muat hi.

1 Corinth te 15:10

Ahihang Pathian ii thuthiamna taw keima sia hi bang ciang ka hi a, ama hong piak thuthiamna sia a luithawthong a suak bua hi. Kei sia sawltak dangte sangin, nasia zaw in na ka seam hi. Tua zongh a tatakin kei ii sep hi ngawlin kei taw a om Pathian ii thuthiamna ii a sep ahi hi.

2 Timothy 2:6

Lothopa khat nasep haksa a seam sia in, anlaak ciangin ama ii tel tu in an a tung masabel sia nga tu hi.