Matthew 25:12 - Syin Chin Bible

¹² ‘Hong tumsak mama ngawl tu khi hi! No hong he ngawl khi hi,’ ci in zineipa in zo hi.”

Matthew 25:12 Iomraidhean Croise

Psalm Late 1:6

Thutangte Topa in lamlakin dal a, ahizong a ngilote sia amate lalcip natu munah a pai uh hi.

Psalm Late 5:5

A kiphasakte sia na mai ah a ding thei buatu hi; mihing seksol theampo na ensan hi.

Habakkuk 1:13

Ahizong banghangin hi a thumaan ngawl misiate koithong thei ni ziam? Na mittangte siatna et natu in thiangtho leih a, khialna a vawt mite na mu thei bua hi. Tua ahikom amate sangin a thutangzawte a suksiat ciangin banghangin thim om thei ni ziam?

Matthew 25:11

“Tua zawkciangin ngaknu dangte hong theng hi. ‘Topa, topa! Hong tumsak ta'n!’ ci in au uh hi.

Matthew 25:13

“Tua ahikom kikeam khol vun, banghang ziam cile, a ni tu le a nai tu na he bua uh hi,” ci in Jesus in thukhup hi.

Luke 13:25

Inn nei pa in tho in, kongkha hong khak tu hi. Tuasia ciang doipua pan in, kongkha king in, ‘Topa kong hong hon ta'n,’ na ci uh hang, ‘No koisung pan hong pai ci hong he ngawl khi hi,’ ci tu hi.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

John 9:31

Pathian in mimawte ii ngetna ngai ngawl hi, ci in ih he hi; ama in ama zakta a, a sawlna bang a seamte ngetna bek ngai hi.

1 Corinth te 8:3

Ahihang Pathian a it mihing khat sia Pathian in he hi.

Galatia te 4:9

Ahihang tu in Pathian na heak zawk uh ciang — tua ahibuale Pathian ii no hong heak zawkciang ci leang — banghangin tua a zawngkhal, a khuangai huai ukna nei thaate kung zuan kik thei nu ziam? Banghangin amate sila suak kik nuam nu ziam?

2 Timothy 2:19

Ahitazong Pathian ii a phaa sa, a kip tawdap sia kingawksak thei ngawl hi; tuaciang tua tungah hi kammalte ki at hi. “Topa in ama ii neisate he hi,” tuaciang “A kuama po Topa ii neisa ka hi a cite in ngamtat khialna pial tu hi.”