Matthew 25:10 - Syin Chin Bible

¹⁰ Tua ahikom a mawmaw ngaknute sia meitui lei tu in pai uh hi; tuaciang amate pai lanin zineipa hong theng hi. A kinging sa a om ngaknu nga teng sia ama taw kiteenna poai ah sungtang uh a, tuaciang kongkha kikhak hi.

Matthew 25:10 Iomraidhean Croise

Pianciilna 7:16

Noah a tum zawkciang Topa in kongkha khak hi.

Psalm Late 95:11

Ka thin uuk a, a ciliap huai kiciamna ka vawt hi: ‘Muang takin na tawlngak natu a kong khapsa ngam sungah na tum ngei buatu uh hi’ ka ci hi,” ci hi.

Matthew 24:42

“A kingingta sa in om vun, banghang ziam cile Topa hong pai tu ni sia na he bua uh hi.

Matthew 24:43

Inn neipa khat in ngutate ii hong pai hun tu he le, mu ngawlin om tu a, ngutate in inn a phuulsak buatu hi, ci in na heak uh ahi hi.

Matthew 24:44

Tua ahiciang no zongh, a tawntung kinging sa in om vun, banghang ziam cile Mihing Tapa in na muanmawk ngawl hun laitakin hong pai tu hi.

Matthew 25:6

“Zankim zawkciangin taangkona aw khat hong nging a, ‘Hi sungah zineipa hong pai hi. Hong pai tavun a muak vun,’ ci hi.

Matthew 7:21

“ ‘Topa, Topa’ hong ci theampo Vantung ngam sungah a tum siat buatu hi, vantung ah ka Pa deina bang a ngamtate bek tum tu hi.

Luke 12:35

“Hong tung tu thu khat pawpo atu in, a kingingta sa in om vun. A diang tawm tu in puansilh kholsa le meiinn vaak sa in om vun.

Luke 13:25

Inn nei pa in tho in, kongkha hong khak tu hi. Tuasia ciang doipua pan in, kongkha king in, ‘Topa kong hong hon ta'n,’ na ci uh hang, ‘No koisung pan hong pai ci hong he ngawl khi hi,’ ci tu hi.

Colossae te 1:12

Thinnopna taw Pa tungah lungdam na ko tavun. A ma in khuavakna ngam sungah a mite ii lua tu a khealsiate nga tu in hong kilawmsak hi.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

1 Peter 1:13

Tua ahikom a diang tu in, na thin sung uh ah kingin khol tavun. Jesus Christ hong kilangh ciangin, note hong piak tu thupha tungah lametna a cingin nei tavun, na kipilvangsak vun.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 19:7

Eite lawpin lungdam tawng; ama ii letna pok tawng! Banghang ziam cile Tuuno mopoai hun hong theng zo a, ama ii mo tu sia in ama le ama kipuua sa in om zo hi.

Thupualaakna 22:20

Hi thute theampo tetti a pang pa in, “Hi hi, maan hi! Kong pai pal tu hi!” ci hi. Na ci bangma hi tahen. Topa Jesus awng, hong pai ta'n!