Matthew 24:7 - Syin Chin Bible

⁷ Ngam khat le ngam khat kisim tu hi; kumpi khat le khat kido tu hi. Mun theampo ah kialpi tung tu a, zinliing tu hi.

Matthew 24:7 Iomraidhean Croise

2 Khangtaanghthu 15:6

Pathian in ngimna le heena amate tungah tungsak ahikom minam khat le minam khat, khuapi khat le khuapi khat kinengcip uh hi.

Isaiah 19:2

Topa in, “Egypt ngam sungah tualngal thosakin, unau khat le khat, innpaam khat le khat ka kidosak tu hi. A kidem khuapite khat le khat kido in, a kidem kumpite khat le khat vaangletna kituu in kihau tu uh hi.

Isaiah 29:6

Vaanglianbelpa Topa in vanto le zinliing taw nang hong suatak tu hi. Ama in vuipi nguapi le a kuang vazak mei khiak tu a,

Ezekiel 14:21

Hi sia Vaanglianpipa Topa ii pauna ahi hi: ‘Jerusalem tungah a siabel daan nam li tungsak tu khi hi — ngal, kialpi, ngamsa ngilote le natna te — in mihingte le ngannote a kibangin susia tu uh hi.

Ezekiel 21:27

Siatna, siatna vive! Hi hi, khuapi sia ka siacipsak tu hi. Ahihang khuapi daan a pia tu in ka teal pa hong pai mateng hi thu a piang buatu hi. Ama tungah tua nasep ka pia tu hi.

Zechariah 14:13

Tua hun ciang Topa in amate lungmangsak biaibuai in lausak tu a, a kuama po in a kungah a om khat pawpo zamhin ngal vawt tu hi.

Luke 21:11

A lauhuai zinliinna, kialpi tunna, pulpi tunna sia mun theampo ah om tu a, a lamdang a lauhuai nate van panin piang tu hi.

Sawltakte 11:28

Amate sung panin, Agabus min nei khat hong ding a, simleitung theampo ah kialpi a tun natu Thaa vaangletna taw ama in sonkhol hi. (Kumpilianpa Claudius maan hun laitakin, tua kialpi tung hi.)

Sawltakte 2:19

Van ah a lamdang laknate ka vawt tu a, leitung ah a lamdang nate ka piangsak tu hi; chisan, meikuang le meikhu ciikte hong om tu hi:

Hebrew te 12:27

Hi kammal “khatvei ma” ci sia in bitphua sa nate ngawk zazaanin, khiin tu a, a kingawksak thei ngawl teng bek taang lai tu a hina thiang takin lak hi.

Thupualaakna 6:12

Tua zawkciang tepteena a lukna sia Tuuno in a hon ka mu hi. Nasia takin zinliing a, ni sia puanvom bangin hong vomcip a, tha sia chi bangin sancip hi.

Thupualaakna 6:5

Tuasia zawkciang tepteena a thumna sia Tuuno in hong a, nganhing a thumna sia in, “Hong pai ta'n!” hong ci hi. Ka et le siphu vom khat om hi. A tungah a to pa in a khut sungah khaikhin kop khat toai hi.

Thupualaakna 6:6

Nganhing lite sung pan khat ii aw tu bangin ka zaak khat in, “Ni khat thaman sia zungtaang litre khat, ni khat thaman tu mangtaang litre thum hi. Ahihang olive kungte le sapitkungte na lalsak heak vun!” hong ci hi.

Thupualaakna 6:8

Ka et ciang, siphu a daang khat ka mu hi. A tungah a to pa ii min sia Thina hi a, a nung panin mithi khua in zui hi. Leitung ah a teangte see li sua see khat sia amate in ngal, kialpi, natna le ngamsate taw thalup thei natu in thu kipia hi.