Matthew 24:6 - Syin Chin Bible

⁶ A naina ah ngal kidona aw na za tu uh a, a khualana ah ngal kidona thu hong kison tu hi; ahihang patau heak vun. Tuabangte hong piang nanak tu a, ahihang hun bona hong theng zo hi, cina hi ngawl hi.

Matthew 24:6 Iomraidhean Croise

Psalm Late 112:7

Ama in thusia zaak tu a patau bua hi; ama ii upna kho a, ama in Topa muang hi.

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 7:4

Ama kinging sa in a om khinkhian natu le a thin patau ngawl natu in son in. Kumpipa Rezin le ama ii Syria mite le Pekah kumpipa ii thin uukna te sia meikuang valiat thingkhua nii panin meikhu sia sangin lauhuai ngawl zaw hi.

Jeremiah 47:6

‘Topa ii Namsau awng! Bang tanvei vaat lai tu ni ziam? Na paai zuan kik in a, tua munah om in tawlnga in!’ ci in na au uh hi.

Ezekiel 21:28

“A thithei mihing awng, kam saanna son in. Israel a zawngsak Ammon te tungah Kei, Vaanglianpipa Topa ii ka ci teng taangko in. Amate munah hi bangin son in: Namsau khat sia a susia tu in kinging zo hi: Khualeng bangin a tee vazal tu, a that tu in kinawt thiang zo hi.

Matthew 2:3

Herod Kumpipa in hi thu a zaak ciang, Jerusalem a om midangte bangma in liinglawng hi.

Matthew 24:14

Tuaciangin, hi Kumpingam Lungdamna Thupha sia, leitung theampo ah tetti tu in minam theampo tungah kihil kawkoai tu hi; tua zawkciang hun bona hong theng tu hi.

Matthew 26:54

Ahihang tuabang hi thong le, Laithiangtho in hi teng tung tu hi, a ci sia koibangin tung nawn tu ziam?” ci hi.

Luke 21:19

Kip takin ding vun, tuasia ciang noma le noma na kingum tu uh hi.

Luke 21:9

Ngal thu le tualngal thu na zaak uh hangin lau heak vun. Tuabangte hong piang phot tu hi. Ahizong hun bo natu hong nai zo cina hi ngawl lai hi,” ci hi.

Luke 22:37

Banghang ziam cile a maan takin kong ci ciang, ‘Ama thukham paltan a, a mawte bangin, kithuaksak tu hi,’ ci a laithiangtho sungah kei ii thu a ki at teng taangtung tu hi,” ci hi.

John 14:1

Jesus in, “Thinngim in thin kiam heak vun,” ci hi. “Pathian um vun a, kei zongh hong um tavun.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

2 Thessalonica te 2:2

Topa hong pai tu Ni sia hong tung zo hi ci in a kison thu taw na khua ngaisutna uh nawngkaisak heak vun a, na thin kiamsak memeang heak vun ci in kong thuum uh hi. Hi thu sia kote kamsaanna sung, ahibuale thuhilna sung, tua ahibuale laithak atna sungah kote in son hi ci in kingaisun hi thei tha tu hi.

Thupualaakna 6:4

Siphu dang khat hong pusuak a, a san ahi hi. Mihingte khat le khat a kithalup natu in, a tungah a to pa sia leitung ah ngal kidona piansak natu vaang kipia hi. Ama sia namsau lian khat kipia hi.