Matthew 24:5 - Syin Chin Bible

⁵ Banghang ziam cile mihing tam mamate kei min zanghin hong pai tu a, ‘Keima in Messiah ka hi hi’ ci tu a mihing tam mama theam tu hi.

Matthew 24:5 Iomraidhean Croise

Jeremiah 14:14

Ahihang Topa in, “Tua kamsaangte sia keima min suangin leilot thu son uh hi; amate ka sawl bua a, amate tungah thupiak ka nei bua hi, amate kam khat beak zongh ka paupui bua hi. Amate ii a son mukholna sia kei kung pan hi ngawl hi; mailam thu piang tu a sonkhol thute sia amate ngaisut tawm, kimanna a nei ngawl thu ahi hi.

Jeremiah 23:21

Topa in, “Hi kamsaangte ka puak bua hi, ahihang amate pai veve uh hi. A son tu thu ka piak ngawl ahihang ka min suangin thuson veve uh hi.

Jeremiah 23:25

Amate mang sungah ka thupuakte hong pia zo hi ci a keima min suangin leilot thu a son kamsaangte ii thusonte ka he hi.

Jeremiah 37:9

Babylon te hong pai kik nawn ngawl tu hi ci a na ngaisut thak ngawl natu, noma le noma na kitheam ngawl natu, Keima, Topa in kidop natu thu kong hilkhol hi, banghang ziam cile amate hong pai kik nanak tu hi.

Matthew 24:11

Tua zawkciang leilot kamsaang tam mama piang tu a, mihing tam mama theam tu hi.

Matthew 24:24

Banghang ziam cile Messiah theam le kamsaang theamte hong piang tu hi; hi thei hile Pathian tealsa mihingte ngawngawn a theam natu in, amate in nalamdang lakna liante le a tumdang nate tam mama hong vawt tu hi.

John 5:43

Pa ii thuneina tengma kengin kong pai hangin nong saang bua uh hi; ahihang khat po in ama ii thuneina taw hong pai ciang na saang tu uh hi.

John 8:24

Na mawnate sungah thi tu nu hi, kong ci sia tua hang ahi hi. Tuaciangin, ‘Keima sia keima ka hi hi,’ ci in nong um bua uh le, na mawnate sungah na thi tu uh hi,” ci in Jesus in zo hi.

John 8:28

Tua ahikom ama in amate tungah, “Mihing Tapa na lapto uh ciangin, ‘Keima sia Keima ka hi’ hunlam na he tu uh hi; tuasia ciangin, keima aituam thuneina taw bangma vawt ngawlin, Pa hong sawl bang bekin, pau ka hi sia nong he tu uh hi.

1 John 2:18

Ka tate awng, hun bo tu hong nai zo hi! Christ ii Ngalpa hong pai tu hi ci in no tungah hong kison zo hi; tu in Christ ii ngalte tam mama hong kilangh zo a, tua ahikom hun bo tu sia nai zo hi ci in ih he hi.

1 John 2:22

Tua ahile a leilot pa sia akua ziam? Jesus sia Messiah hi ngawl hi a ci pawpo in leilot pa ahi hi. Tuabang mihingte sia Christ ii Ngalte ahi uh hi — amate in Pa le Tapa nial khawm hi.

1 John 4:3

Ahihang Jesus huvau hi thu a nial khat pawpo sia Pathian kung pan hong pai Thaa a nei bua hi. Ama nei tua thaa sia Christ ii Ngalpa kung pan hi; tuasia pa hong pai tu hi ci in na za zo uh a, tu in ama sia hi sung leitung ah om zo hi.

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.