Matthew 24:49 - Syin Chin Bible

⁴⁹ tuaciangin a nasep khoppui naseam dangte saatin, zukham theite taw, an ne zu ne in om tu hi.

Matthew 24:49 Iomraidhean Croise

Paunakte 23:20

Sapittui tam lei a nete, ahibuale an a bebente taw na kithawl heak in.

Isaiah 56:12

Hi sapittui khamte in, ‘Sapittui tawm la sin tawng i, tuaciang ih dawn zawkza dawn tawng! Tuni sangin zing ciang nuam zaw kan tu hi!’ ci uh hi,” ci hi.

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Ezekiel 34:3

Note in a noai taw kivaak in, a mul taw a kivawt puante silh a, a limcibel tuute ngoin a sa na ne uh hi. Ahihang tuute na keamcing ngei bua uh hi.

Micah 3:5

Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in,

Matthew 18:28

“Tuaciangin tua naseampa pusuak in, ama tungah sum tawm a ba naseam dang khat taw kisi uh hi. Tua pa sia manin a tawlsaan a, ‘Sum nong bat teng hong lo ta'n,’ ci hi.

Matthew 24:48

Ahihang tua naseampa sia a ngina ngawl khat ahile, a topa sia hong cia hak lai vak, ci in ama le ama kitheam tu a,

Matthew 24:50

Tuaciangin tua naseampa ii topa sia a muanmawk ngawl hun le a heak ngawl ni hun khat ciang hong cia tu hi.

Matthew 7:15

“Leilot kamsaangte na up ngawl natu kidawm vun; amate a puatham ah tuu bangin hong pai tu a, a sungsang uh sia ngia hangsan bang hi tu hi.

John 2:10

“Ngualdangte in, sapittui limbel teng veu hawm masa a, leangnate ii tam mama a neak zawkciang, sapittui dang thawthong teng hawm hi. Ahihang nang na hile sapittui limbel teng tu dongin na khealsia hi!” ci hi.

Romete 16:18

Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi.

2 Corinth te 11:20

Note a uk bang po hong sawlte, note tung pan na neisa hong duupte, thaang taw hong siate, hong nomute ahibuale na maitang hong beangte khat pawpo na dual uh hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

1 Peter 5:3

Noma ii kep tu a hong ki aapte tungah zawthawkna taw uk tu hanciam ngawlin, tuuhon atu in a ettee pha na hizaw vun.

Jude 1:12

Amate sia a maizumhuai neakna dawnna taw ngualnuamin om uh a, noma ii kipawlkhop anneakpoai uh hong nokkhaksakte ahi hi. Amate in a kaangsung atu bek kin hi. Amate sia vui ii seam nguatui a paai ngawl meeikaaite taw kibang hi: tangngam hun dongin a nga mama a nga ngawl thingkungte le a kizunglok a thicip sa thingkungte taw kibang hi.

Thupualaakna 13:7

Ama sia Pathian ii mihingte do tu le a zo tu in kivawt a, bee le phung, ngam, pau namcin le minamte tungah thuneina kipia hi.

Thupualaakna 16:6

Amate in Pathian ii mihingte le, kamsaangte chisan keesak ahikom amate dawn tu in chisan a pia zo hi. Amate in a kiphu a kilawm in thuak hi,” a ci ka za hi.

Thupualaakna 17:6

Tuaciang numei nu sia Pathian ii mihingte chisan le Jesus tungah a thumaan uh hu in a kithatte chisan sia zukham bangin a kham ka mu hi. Ama ka mu ciangin lamdang ka sa mama hi.

1 Samuel 2:29

Tua hikasap ka mite tung pan, ka nget biakpiaknate le sangaw biakpiaknate banghang duhopna thin taw en ni ziam? Eli awng, ka mite ii kei tungah hong piak sangaw biakpiakna theampo pan sabak phabel teng taw na tate a thau dong amate le amate na kivaaksakna taw banghangin kei sangin na tate upat vawt zaw ni ziam?