Matthew 24:43 - Syin Chin Bible

⁴³ Inn neipa khat in ngutate ii hong pai hun tu he le, mu ngawlin om tu a, ngutate in inn a phuulsak buatu hi, ci in na heak uh ahi hi.

Matthew 24:43 Iomraidhean Croise

Job 24:16

Zanin ngutate in innte phuul a, ahihang sunin amate buu in khuavak pial uh hi.

Paunakte 7:19

Ka pasal sia inn ah om ngawl hi. Khual khuala a haw laitak hi.

Matthew 14:25

Zingsang nai thum le nai luk kilaklaw in, Jesus in tui tung nungzuite sangah hong pai hi.

Matthew 20:11

Amate in a sum saan uh ciang, thacialpa phunsan hi.

Matthew 24:42

“A kingingta sa in om vun, banghang ziam cile Topa hong pai tu ni sia na he bua uh hi.

Matthew 24:44

Tua ahiciang no zongh, a tawntung kinging sa in om vun, banghang ziam cile Mihing Tapa in na muanmawk ngawl hun laitakin hong pai tu hi.

Matthew 25:10

Tua ahikom a mawmaw ngaknute sia meitui lei tu in pai uh hi; tuaciang amate pai lanin zineipa hong theng hi. A kinging sa a om ngaknu nga teng sia ama taw kiteenna poai ah sungtang uh a, tuaciang kongkha kikhak hi.

Matthew 25:13

“Tua ahikom kikeam khol vun, banghang ziam cile, a ni tu le a nai tu na he bua uh hi,” ci in Jesus in thukhup hi.

Mark 13:35

Tua ahikom, na kikeam tavun, banghang ziam cile, innteakpa bang hun ciang hong cia kik tu, ci in na he bua uh hi — nitak zongh hi thei, zankim zongh hi thei, tua ahibuale zingtuung zongh hi thei, nisua laitak zongh hi thei hi.

Mark 6:48

Ama in a nungzuite ngunkuang nasia tak hotin a om mu hi, banghang ziam cile amate in vui vakna sang maingat in hot uh hi; tuaciang zingsang nai thum le nai luk kilaklaw in Jesus amate sang tui tungah lam hong pai hi. Ama in a nungzuite suang khial tu in kithoai a,

Luke 12:38

Zankim laitak ahizong, tua zawkciang ahizong, ama hong cia hun in, a kinging sa a om naseamte in bangzata in thupha a nga tu ziam?

Luke 12:39

Inn nei khat in nguta hong pai tu hun he khol le a inn sia nguta in phuulsak ngawl tu ci in na tel uh hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Thupualaakna 16:15

“Ngai vun! Nguta khat taw kibangin kong pai tu hi! Ngual mai ah pumnguak in om a, maizum a nga ngawl natu in, mu ngawlin a puansilhte a keamcing pa sia mihing lungdam ahi hi.”

Thupualaakna 3:3

Tua ahikom note hong kihil sa le na zaaksate phawk kik tavun; tua thute ni vun a, na mawnate uh pan kisiik kik vun. Na khanglo bua uh le, note kungah nguta bangin kong pai tu a, kong pai tu a hun ngawngawn zongh na he buatu uh hi.