Matthew 24:4 - Syin Chin Bible

⁴ Jesus in, “Kidawm tavun, kuama in theamsak heak vun.

Matthew 24:4 Iomraidhean Croise

Jeremiah 29:8

Note sungah a teang kamsaangte in hikale maisang thu ka sonkhol thei hi a ci midangte in hikale na theamsak ngawl natu in Keima, Topa Israel ii Pathian in na kidop natu kong hilkhol hi. Amate ii mangmatte na thudon heak vun.

Jeremiah 37:9

Babylon te hong pai kik nawn ngawl tu hi ci a na ngaisut thak ngawl natu, noma le noma na kitheam ngawl natu, Keima, Topa in kidop natu thu kong hilkhol hi, banghang ziam cile amate hong pai kik nanak tu hi.

Mark 13:22

Banghang ziam cile Messiah theam le kamsaang theamte hong piang tu hi. Hi thei hile, Pathian ii tealsa mihingte ngawngawn a theam tu in, amate in nalamdang lakna a tumdang nate hong vawt tu hi.

Luke 21:8

Jesus in, “Kinging ta khol vun, ngual in theamsak heak vun. Mihing tam mamate in kei min taw hong pai tu a, ‘Kei in ama ka hi hi! A hun hong theng zo hi!’ hong ci tu hi. Ahihang amate ii nung na zui heak vun.

Galatia te 6:3

Khat po in ama sia bangma hi ngawl napi, hi a kisa le ama le ama kitheam hi bek hi.

Ephesus te 4:14

Tuaciangin phuatawm thimthel pilna taw ngualtheam a, a thuhilna uh taw ngual a lampialsak thei te hu in vuivak kikheal pawpo le tui kihual pawpo ii a paipui patangte na hi nawn buatu uh hi.

Ephesus te 5:6

Mawmawt kammal taw kuama in theamsak heak vun; hi thute mama hu in, Pathian ii thin uukna sia ama ii thu a ni ngawlte tungah tung tu hi.

Colossae te 2:18

Vawttawm kiniamkhiakna le vantunglalangte bia in hong sawl a, mukhol thei tuam a neina hangin thupi a kisate ii hong puavawk tu sia noma le noma na ki oai heak vun. Bangma thu om ngawl bulin tuabang mihingte sia a mihing khua ngaisutna taw kisuangtaak uh a,

Colossae te 2:8

Tua ahikom Christ sung pan ahi ngawl, vaannuai a uk thaa te ii mihingte tungah a piak susuk a mannung ngawl kitheamna, mihing ciimnate taw kuama in sila a hong mat ngawl natu in kikeam tavun.

2 Thessalonica te 2:3

Bangbang po ahizong kuama in na theamsak heak vun. Banghang ziam cile a khakbel Kileedona, hong om a, hell sung a theng tu in a kisep sa A Seksolpa hong kilangh mateng in tua Ni sia hong tung ngawl tu hi.

1 John 4:1

Ka it lawmte awng, Thaa ka nei a ci theampo na um heak vun, ahihang amate nei thaa sia Pathian kung pan hong pai ahile ahi ngawl na sittel tavun. Banghang ziam cile mun theampo ah kamsaang maan ngawlte pai kawkoai zo uh hi.