Matthew 24:36 - Syin Chin Bible

³⁶ “Ahitazong tua a ni le a nai tu sia kuama in he ngawl hi — vantung ah vantung mite ahizong, Tapa ahizong, he ngawl hi; Pa bek in he hi.

Matthew 24:36 Iomraidhean Croise

Zechariah 14:7

le khuazing cite om nawn ngawl tu hi. Zan ngawngawn in khuavak top tu hi. Topa bekin hisia a pian tu hun he hi.

Matthew 24:42

“A kingingta sa in om vun, banghang ziam cile Topa hong pai tu ni sia na he bua uh hi.

Matthew 24:44

Tua ahiciang no zongh, a tawntung kinging sa in om vun, banghang ziam cile Mihing Tapa in na muanmawk ngawl hun laitakin hong pai tu hi.

Matthew 25:13

“Tua ahikom kikeam khol vun, banghang ziam cile, a ni tu le a nai tu na he bua uh hi,” ci in Jesus in thukhup hi.

Mark 13:32

“Ahihang kuama in a ni le a nai hong tun hun tu a he bua hi, van a vantunglalangte hikale Tapa hikale in a he bua a, Pa bek in he hi.

Sawltakte 1:7

Jesus in, “Hunte le thunei theinate sia ka Pa zeak hi a, bang hun ciang hi tu cisia no heak tu thu hi ngawl hi.

1 Thessalonica te 5:2

Banghang ziam cile noma ma in Topa Ni sia, zan lai a, nguta khat hong pai bang in, hong pai tu hi, ci in a pha tak na he uh hi.

2 Peter 3:10

Ahihang Topa Ni sia nguta bangin hong pai tu hi. Tua Ni ciangin vantungte a nging mama khat taw hong bocip tu a, vantung a om nate kuangkeak in, leitung le a sung a om theampo zong bo cimit tu hi.

Thupualaakna 16:15

“Ngai vun! Nguta khat taw kibangin kong pai tu hi! Ngual mai ah pumnguak in om a, maizum a nga ngawl natu in, mu ngawlin a puansilhte a keamcing pa sia mihing lungdam ahi hi.”

Thupualaakna 3:3

Tua ahikom note hong kihil sa le na zaaksate phawk kik tavun; tua thute ni vun a, na mawnate uh pan kisiik kik vun. Na khanglo bua uh le, note kungah nguta bangin kong pai tu a, kong pai tu a hun ngawngawn zongh na he buatu uh hi.