Matthew 24:31 - Syin Chin Bible

³¹ Lemlepui aw hong nging tu a, tuaciang ama in leimong king lite ah a vantunglalangte sawl in, amate in ama tealsa mite leimong khat pan mong khat dongin khawmtua tu hi.

Matthew 24:31 Iomraidhean Croise

Psalm Late 22:27

Ngam theampo in Topa a phawk tu uh hi. Leitung mun tuatuamte panin ama a zuan tu a minam theampo in ama a bia tu uh hi.

Psalm Late 67:7

Pathian in eite thupha hong pia zo hi; mun theampo ah om mihingte in ama upat thei tahen.

Psalm Late 81:3

Thadet ciang le thalik ciangin poaikhaam natu in lemle tum vun.

Pusuana 19:16

A ni thum ni zingsang ciang vanto in khualeng a, mual tungah meeilom saa khat hong kilangh in lemle aw nging mama khat kiza hi. Ngiaphual ah a om mihing theampo liingin lau uh hi.

Isaiah 11:12

Topa in a kithethaang Israel le Judah mite kaikhawm kikin, leitung kiing li panin a ciapui kik natu thute sia minamte a lak natu in lim lakna laandial khat phut tu hi.

Isaiah 13:5

Amate sia leimong ah a om ngam khualate pan hong pai uh hi. Topa sia a thin uukna taw ngam bup lalthamsak tu in hong pai hi.

Isaiah 27:13

Tua ni a thet ciang, Assyria le Egypt ngam ah saltaang in a om Israel te theampo tua mun pan sap kikna tu lemle khat kitum tu hi. Amate hong cia a, Jerusalem khua ama ii mual thiangtho tungah Topa bia tu uh hi.

Isaiah 42:10

Topa tungah la thak khat sa vun; leitung theampo awng, ama pokna lasa vun! Tuipi tung khualhawte awng, ama pok vun; Tuipi sungah nganhingte theampo awng, ama pok vun! ngam khuala nate le tua munah a teangte theampo awng, lasa vun!

Isaiah 43:6

Saksangte tungah amate paisak vun ka ci tu a; thangsang te tungah amate khaktan heak vun ka ci tu hi. Ngam khuala na pan le leitung mun theampo panin ka mite heak kik tahen.

Isaiah 45:22

“Leitung mihing theampo awng, tu in kei kungah hong kiheak tavun a, ngupna nga tavun! Pathian khat bek a om sia keima ka hi hi.

Isaiah 49:18

Na kiim na paam khuadak kawkoai in bang thupiang ziam en in! Na mite kikhawm uh a — inn ah hong cia uh hi! Keima in a nungta Pathian ka hi tatak bangma in, mothak khat in a kizepna suangmanpha a kiphatsak pui bangma in na mite hangin na kiphasak tu hi.

Isaiah 60:4

Bang thu piang ziam na kiim na paam en in: Inn ah hong cia tu in na mite kikhawm uh hi! Na tapate uh mun khuala pan hong cia tu uh hi; Na tanute sia patangnote bangin kitoai tu hi.

Daniel 7:2

hi bang ahi hi: Mun theampo pan vui hong va a, tuipi mai seam ngawp hi.

Zechariah 14:5

Mual khen nii in a khen, tua kuam kaantanin no na suakta tu uh hi. Judah kumpipa Uzziah hunsung zinliin lai in, na taanghpupite tai bangin na tai tu uh hi. Topa ka Pathian in vantunglalang theampo hong pai pui tu hi.

Zechariah 2:6

Topa in a mite tungah, “Mun theampo ah note kong thethaang hi. Ahihang tu in, no saltaangte awng, Babylon panin suakta in Jerusalem ah heak kik tavun.

Zechariah 6:5

Ama in, “Hite sia vui lite hi a; tuate in leitung bup ii Topa omna pan hong pai tawm hi,” ci in hong zo hi.

Zechariah 9:10

Topa in, “Ngal siphu leangte Israel pan ka heam tu a, Jerusalem pan siphute ka la tu hi; Ngal kisimna sung a kizangh thalte ka lalsak tu hi. Na kumpipa in minam tuatuamte sungah kilemna omsak tu hi; ama in tuipi khat pan tuipi khat dong, Euphrates ngun pan leitung mong dong uk tu hi,” ci hi.

Zechariah 9:14

Topa in a mite tungah hong kilangh tu hi; ama in a thaltangte khualeng bangin kap tu hi. Vaanglianpipa Topa in a lemle tum tu a; thangsang pan vuipi suangval bangin hong kuan tu hi.

Matthew 13:41

Mihing Tapa in, midangte a khialsakte le a sia vawt theampo khawm tu in, a vantunglalangte sawl tu a,

Matthew 24:22

Ahihang Pathian in a ni sia khiamsuk zo hi; tua hi buale kuama a suakta buatu hi. Ahitazong a tealtuam mihingte atu in Pathian in a ni khiam tu hi.

Matthew 24:24

Banghang ziam cile Messiah theam le kamsaang theamte hong piang tu hi; hi thei hile Pathian tealsa mihingte ngawngawn a theam natu in, amate in nalamdang lakna liante le a tumdang nate tam mama hong vawt tu hi.

Matthew 24:32

“Theikung in hilsak tavun. A baakte zongh hingin hong moisua ciangin, a teeno meang tu in kithoai a, tuasia ciang khuakhaal hun hong nai hi ci in na he uh hi.

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Mark 13:27

Ama in vantunglalangte leimong king li ah paisak tu a, Pathian ii tealsa mihingte leimong khat pan mong khat kilaklaw ah khawmtua tu hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

John 11:52

tuaciang, amate atu bek hi ngawlin, Pathian mihing a kithethaang theampo pumkhat suak tu in kaikhop natu zongh a sonkhol ahi hi.

Romete 10:18

Tua ahile amate in a thu za ngawl hi tu ziam?, ci in kong dongh hi. Za hi — laithiangtho in hi bangin ci hi: “Leitung theampo ah amate ii aw theng hi; Amate ii kammal leimong dong theng hi.”

Ephesus te 1:10

A hun hong tun ciangin Pathian ii a khuangkhim tu, hi tupna in vantung leitung ah bitphua sa theampo kaikhawm tu a, a lutang tu in Christ koi tu hi.

Thuhil kikna 30:4

A khualabel leimong tengah na kithethaang keak uh zongin Topa na Pathian in note hong kaikhawm in hong pui kik tu a,

Thuhil kikna 4:32

“A bosa hunte, na sua ma hun le leitung ah Pathian ii mihing a piansakna thute kan kik vun. Leitung buppi ah kan vun. Hi bang na lian khat pawpo nidang in piang ngei na ziam? Hi bang thute akua in za ngei ziam?

1 Thessalonica te 4:16

Vantunglalangte sung pan a lianbel sia ii aw taw thupiak auna, Pathian lemle aw om tu a, tuaciang Topa ama mama vantung pan hong tuaksuk tu hi. Christ um a, a thite hong tho masabel tu a,

2 Thessalonica te 2:1

Ih Topa Jesus Christ hong pai kik natu le ama taw omkhawm tu in, ih kikhoptuana thu taw kizomin: suapuite awng,

Hebrew te 12:19

lemle aw le awnging khat ahizong, tuate kung nong zuan bua uh hi. Israel mihingte in tua awnging khat a zaak uh ciangin, kammal dang a zaak ngawl natu in, thuum uh hi.

Thupualaakna 1:20

ka ziatsang khut sungah na mu aksi salite le khamh meivak khuam salite ii a kiphualseal a khiakna sia hi bang ahi hi: aksi salite sia pawlpi salite ii vantunglalangte hi a, meivakna khuam salite sia pawlpi salite ahi hi.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 7:1

Hisia zawkciang leitung king li ah a ding vantunglalangte li ka mu a, leitung ah ahizong tuipi tungah ahizong, thingkung khat po tungah ahizong, vui a vak ngawl natu in amate in vuipi lite lencip uh hi.

Thupualaakna 8:2

Tuaciangin Pathian mai ah a ding vantunglalang sali teng, ka mu a, amate tungah lemle sali kipia hi.