Matthew 24:30 - Syin Chin Bible

³⁰ Tuasia ciang Mihing Tapa ii lim sia van ah hong kilangh tu hi; Mihing Tapa sia van ah meeikaai tung pan vaangletna le minthanna lianpi taw hong pai a mu uh ciangin, leitung mihing theampo kap tu uh hi.

Matthew 24:30 Iomraidhean Croise

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Zechariah 12:11

Tua laitakin Jerusalem ah heena kaana sia Megiddo zaangtam a Hadad-rimmon atu heena le kaana za in nasia tu hi.

Matthew 24:3

Jesus in Olive Mual tungah a to laitakin, a nungzuite ama kungah hong pai tuam uh hi. “Hi thu sia bang hun ciangin hong tung tu a, tuaciang nong pai kik tu hun le hun bo tu hun, a lak tu in bang hong piang tu ziam?” ci in dongh uh hi.

Matthew 24:37

Mihing Tapa hong pai natu sia Noah hun lai thupiang bang hi tu hi.

Matthew 24:39

Tua hi napi tuiliim a, tui ii a taikeak dongin, bang thu piang ziam ci in amate in a phawk bua uh hi. Mihing Tapa hong pai ciang zong tuabang ma hi tu hi.

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Mark 13:26

Tua zawkciangin Mihing Tapa sia hong kilangh tu a, meeikaai sungah vaangletna le minthanna lianpi taw hong pai tu hi.

Mark 13:4

“Hi thu bang hun ciang hong tung tu ziam hong son ta'n, tuaciangin hite a pian natu bang limte in lak tu ziam?” ci hi.

Luke 21:27

Tuaciang Mihing Tapa hong kilangh tu a, vaangletna le minthanna taw meeikaai sungah hong pai tu hi.

Luke 22:69

Ahihang tu pan kipan Mihing Tapa sia Vaanglianbel Pathianziatsang ah hong to tu hi,” ci hi.

Sawltakte 1:11

amate in, “Galilee mite awng, van ento in banghangin tua munah ding top nu ziam? Hi Jesus sia note kung pan vantung ah a kilaak to na mu uh bang tatak ma in hong pai kik tu hi,” ci uh hi.

2 Thessalonica te 1:7

tuaciang no a thuakte le ko zongh nopsakna hong pia tu hi. Topa Jesus in ama ii a thahat vantunglalangte taw

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 12:1

Tua zawkciang van ah a lian lim lamdang khat kilangh hi. A puansilh sia ni hi a, tha sia a peang nuai ah koi in, aksi sawm le nii a nei kumpilukhu a lu tungah a khu numei khat om hi.