Matthew 24:29 - Syin Chin Bible

²⁹ “Tua hun ngimnate zawk a hai ngawlin, ni hong taang nawn ngawl tu a, tha zongh taang nawn ngawl tu hi, aksite van panin taaksuk tu a, van ah a om nate sia amate ii zin tek panin kipialsak siat tu hi.

Matthew 24:29 Iomraidhean Croise

Thuhilsya 12:2

Tua hun sia, ni le tha le aksite ii tanna nang atu in a dial hun le ngua meei a ven nawn ngawl hun ahi hi.

Isaiah 13:10

Aksi theampo le aksi honpite taang nawn ngawlin, ni a sua ciang mial tu a, tha zongh taang ngawl tu hi.

Isaiah 24:23

Tha mial tu a, ni taang nawn ngawl tu hi, banghang ziam cile, Vaanglianbelpa Topa sia kumpi hi tu hi. Jerusalem khua Zion Mual panin ama in uk tu a, mipi lampuite in a vaangletna mu tu uh hi.

Isaiah 34:4

Ni, tha le aksite leivui suak tu hi. Van sia laizial bangin kizialin mang vadi in, aksite sia sapitkung, theikung tung pan a teete a pul bangin taak tu hi.

Joel 2:10

Mai ah a manaw uh ciang lei liing a; van kilok hi. Ni le tha mial a, aksite taang nawn ngawl hi.

Joel 3:15

Ni le tha zing a, aksite taang nawn ngawl hi.

Amos 5:20

Topa ni in khuazing hong paipui tu a khuavak hong paipui ngawl tu hi; tua ni sia maitaina om ngawlin lungzin ni khat hi tu hi.

Amos 8:9

Sun kimlai in ni ka tumsak tu le suntangin leitung khua ka zinsak tu hun hong theng tu hi. Keima Vaanglianpipa Topa ka pau zo hi.

Matthew 24:21

Banghang ziam cile tua hun ah ngimna sia leitung a kipat pan kipan, tuni dong a piang ngei ngimnate theampo sangin nasia zaw pek tu hi. Tuabang ngimna sia maisang zongh ah om kik ngei nawn ngawl tu hi.

Matthew 24:8

Hite theampo sia nautut kipat ciang, a nat bang ahi hi.

2 Peter 3:10

Ahihang Topa Ni sia nguta bangin hong pai tu hi. Tua Ni ciangin vantungte a nging mama khat taw hong bocip tu a, vantung a om nate kuangkeak in, leitung le a sung a om theampo zong bo cimit tu hi.

Thupualaakna 8:12

Vantunglalang a lina sia in, a lemle tum hi. Ni sia see thum sua see khat, tha see thum sua see khat, aksi see thum sua see khat kivaattham a, tuasia ciangin amate ii taanna sia see thum sua see khat bo hi; sun see thum sua see khat le zan see thum sua see khat sung, khuavak a om nawn bua hi.