Matthew 24:27 - Syin Chin Bible

²⁷ Banghang ziam cile Mihing Tapa sia van buppi ah nisuana pan nitumna dong a kaantan khualeng taang bangin hong pai tu hi.

Matthew 24:27 Iomraidhean Croise

Job 37:3

Ama in khualeng sia vanpi kaantan in leimong khat pan mong khat dongah puak hi.

Job 38:35

Tuaciang khualeng a taang vazak tu in thupia lete tuasia nang kungah hong pai in, “Nong sawl babang hong sepsak tong” hong ci tu ziam?

Isaiah 30:30

Topa in ama ii vaangletna aw mihing theampo in zasak tu a, ama ii thin uuk tutna thuak tu hi. Meikuangte, meei puakthamte, ngialtang kiate, a biing a bealin sun bangin nguazuknate om tu hi.

Ezekiel 1:14

Tua cherub te sia khualeng manlangza in nung le mai ah a manlangin tai uh hi.

Zechariah 9:14

Topa in a mite tungah hong kilangh tu hi; ama in a thaltangte khualeng bangin kap tu hi. Vaanglianpipa Topa in a lemle tum tu a; thangsang pan vuipi suangval bangin hong kuan tu hi.

Malachi 3:2

Ahihang ama ii hong pai ni ciang, akua peuma in thuak zo tu hi ziam? Ama hong kilangh ciang akua nungta zo tu ziam? Ama in a pha satpia le thik a thiangsak meikuang taw kibang hi.

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 24:26

“Tua ahibuale mihingte in, ‘En vun, ama sia sennealngam sungah om hi!’ hong cile zong, tua munah pai heak vun; tua ahibuale ‘En vun, ama sia hi sungah buu hi,’ hong cile zong na um heak vun.

Matthew 24:3

Jesus in Olive Mual tungah a to laitakin, a nungzuite ama kungah hong pai tuam uh hi. “Hi thu sia bang hun ciangin hong tung tu a, tuaciang nong pai kik tu hun le hun bo tu hun, a lak tu in bang hong piang tu ziam?” ci in dongh uh hi.

Matthew 24:37

Mihing Tapa hong pai natu sia Noah hun lai thupiang bang hi tu hi.

Matthew 24:39

Tua hi napi tuiliim a, tui ii a taikeak dongin, bang thu piang ziam ci in amate in a phawk bua uh hi. Mihing Tapa hong pai ciang zong tuabang ma hi tu hi.

Matthew 24:44

Tua ahiciang no zongh, a tawntung kinging sa in om vun, banghang ziam cile Mihing Tapa in na muanmawk ngawl hun laitakin hong pai tu hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

James 5:8

No zongh na thin uh a sau kul hi. Na lametna uh saangsak vun, banghang ziam cile Topa ii hong pai tu ni hong nai zo hi.

2 Peter 3:4

hi bangin, hong dongh tu uh hi. “Hong pai kik tu ci in kamciam hong pia ahi bua ziam? Ama koisung om ziam? Ih taanghpupite sia thi siat zo hi, ahihang simlei kibitphua lai pan bangma in, na theampo kibang lai hi!”