Matthew 24:22 - Syin Chin Bible

²² Ahihang Pathian in a ni sia khiamsuk zo hi; tua hi buale kuama a suakta buatu hi. Ahitazong a tealtuam mihingte atu in Pathian in a ni khiam tu hi.

Matthew 24:22 Iomraidhean Croise

Isaiah 6:13

A ngam sungah mihing sawm sung pan khat bek a taang ta zongin, tuasia pa ngawngawn kilalcipsak tu hi; ama in a kiphuktan sa lim thingkung bul khat taw kibang tu hi,” ci in hong zo hi. (Tua thingbul sia Pathian ii mihingte kipat thakna lim a lak ahi hi.)

Zechariah 13:8

tuaciang, ngam bup sungah mihingte see thum sua see nii thi tu uh hi.

Zechariah 14:2

Topa in Jerusalem sim tu in minam theampo khawmtua tu hi. Khuapi kila in, innte kiphuul tu a, numeite buan in khialpui tu hi. Khua mite a lang sia sal in kipaipui tu a, a taanglai teng ahile khuapi pan kipaipui ngawl tu hi.

Matthew 22:14

Jesus in a thukhupna ah, “Tam mama kisam tu a tawm bek kiteal tu hi,” ci hi.

Matthew 24:24

Banghang ziam cile Messiah theam le kamsaang theamte hong piang tu hi; hi thei hile Pathian tealsa mihingte ngawngawn a theam natu in, amate in nalamdang lakna liante le a tumdang nate tam mama hong vawt tu hi.

Matthew 24:31

Lemlepui aw hong nging tu a, tuaciang ama in leimong king lite ah a vantunglalangte sawl in, amate in ama tealsa mite leimong khat pan mong khat dongin khawmtua tu hi.

Mark 13:20

Ahihang Topa in tua nite khiamsuk zo hi; tua hi buale kuama nungta zo ngawl tu hi. Ama tealsa mihingte a khualna in tua nite khiam zo hi.

Luke 18:7

Tua ahile Pathian in ama ii mihingte, sun taw zan taw hu ngen in a au te ii phat tuam natu in thukhensak ngawl tu ziam? Amate a hu tu sia a haisaang tu ziam?

Romete 9:11

Ahihang tapa khat tealtuam tu sia Pathian ii deina vingveng ahi natu thu huvau in, Pathian in a nu munah, “A u zaw in a nau zaw ii na sepsak tu hi,” ci hi. Ama in hi thu a pau laitakin amate ngeal sia piang ngawl lai a, a sia a pha bangma vawt a nei bualai hi. Tua ahikom Pathian tealna in ama sapna tung pan hi a, amate sepna tung pan hi ngawl hi.

2 Timothy 2:10

Jesus Christ tungtawn a hong pai ngupna le tawntung minthanna sia Pathian tealsa mite zongh in a nga thei natu in, na theampo ka thuak kenkon hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.