Matthew 24:13 - Syin Chin Bible

¹³ Ahihang a tawp dong a thumaante kingum tu hi.

Matthew 24:13 Iomraidhean Croise

Matthew 10:22

Kei hangin a kuama theampo in, hong ensan tu hi. Ahihang a tawp dong a thuak zo sia kihun tu hi.

Matthew 24:12

Tuabangin siatna hong kizel tu a, mihing tam mamate ki itna kiam tu hi.

Matthew 24:6

A naina ah ngal kidona aw na za tu uh a, a khualana ah ngal kidona thu hong kison tu hi; ahihang patau heak vun. Tuabangte hong piang nanak tu a, ahihang hun bona hong theng zo hi, cina hi ngawl hi.

Mark 13:13

Mihing theampo in note kei hu in, hong ensan tu hi. Ahihang a tawp dong a thuak zote in ngupna a nga tu uh hi.

Luke 21:19

Kip takin ding vun, tuasia ciang noma le noma na kingum tu uh hi.

Luke 8:15

Leiphana ah a tu thaiciite sia a thu za a, thunitna thinsung pha taw keamcing a, a ngate a nga dong a zomto suakte ahi uh hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

1 Corinth te 1:8

Topa Jesus Christ ii Ni hong thet ni ciang, na pauban ngawl natu in ama in a tawpna dong kip takin hong keam si tu hi.

Hebrew te 10:39

Eite in heak kik a, a mangthangte ih hi bua hi. Ei sia upna nei in a kingumte ih hizaw hi.

Hebrew te 3:14

Banghang ziam cile a kipat pan ih nei kimuanna sia a tawp dongin ih kholet le ei theampo sia Christ taw a kikopte ih hi hi.

Hebrew te 3:6

Ahihang Christ sia Pathian inn uk Tapa bangin thumaan hi. Eite in, ih lametnate sungah thinletna le kimuanna ih kholet le ama inn ih hi hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.