Matthew 24:10 - Syin Chin Bible

¹⁰ Mihing tam mama in tua hun ciangin, a upna uh nusia tu hi; amate khat le khat kileeheak tu a, khat le khat kingaimaw tu hi.

Matthew 24:10 Iomraidhean Croise

Matthew 10:21

“Mihingte in a suapuite thalup tu in aap tu a, pate zongh in tate tungah tuabang ma in ngamta tu hi; tate zongh in nute pate langpan tu a, thatlumsak tu uh hi.

Matthew 11:6

Kei tungtaang ah a lungmang ngawlte bangza in lungdam ziam!” ci hi.

Matthew 13:21

Ahihang a thu in amate sungah a thuk in tum ngawl a, khuangei khom ngawl uh hi. Tua ahikom haksatna le vawtsiatna hong pai ciangin amate puk uh hi.

Matthew 13:57

Tua hi a amate in a saang thei bua uh hi. Jesus in amate munah, “Kamsaangpa khat sia ama khua le ama innkuan sung ngawl buang mundang theampo ah kizatak vawt hi,” ci hi.

Matthew 24:11

Tua zawkciang leilot kamsaang tam mama piang tu a, mihing tam mama theam tu hi.

Mark 13:12

Mihingte in a suapuite thalup tu in aap tu uh hi, tuaciang, pate in a tate tuabang ma in vawt tu hi. Tate in nute pate langpan in, thatsak tu uh hi.

Mark 4:17

Ahihang a thu in amate sungah thuk bun ngawl ahikom, khuangei a khom bua uh hi. Tua ahiciang tua thu hangin ngimna le vawtsiatna hong pai ciang, thakhat thu in amate pukkik uh hi.

Luke 21:16

No sia na nu na pate, na suapui pate, na mealheakte le na ngualtamhte in hong aap tu a, note pawlkhat thina na thuak tu uh hi.

2 Timothy 1:15

Phygelus le Hermogenes kihelin, Asia ngammi theampo ii kei hong taisat siat sia na he hi.

2 Timothy 4:10

Demas in hi leitung it zaw a, kei hong taisan zo hi. Thessalonica hong zot san hi. Crescens sia Galatia zuan hi, tuaciang Titus sia Dalmatia zuan hi.

2 Timothy 4:16

Keima le keima ka kihuuk phitbel lai in, kuama in kei hong dinpui ngawl a hong taisan siat uh hi. Pathian in amate tungah na siik heak hen.