Matthew 23:9 - Syin Chin Bible

⁹ Tuaciangin hi leitung ah kuama ‘Pa awng’ ci heak vun, banghang ziam cile vantung a Pa khat bekma na nei uh hi.

Matthew 23:9 Iomraidhean Croise

2 Kumpite 13:14

Kamsaangpa Elisha sia thithei natna taw na a, ama thi tu in a lupna ah Israel te Kumpipa Jehoash in ve hi. “Ka pa awng, ka pa awng!” ci in au in kap hi. “Nang sia Israel a hung a thahat pa ni hi!” ci hi.

2 Kumpite 2:12

Elisha in mu in, Elijah oksan a, “Ka pa, ka pa! Israel a dal a thahat pa! Nang pai zo hi teh!” ci hi. Tuaciang ama in Elijah mu kik nawn ngawl hi. Elisha khuangai in a puantual eau a khen nii sua hi.

2 Kumpite 6:21

Israel kumpipa in Syria te a mu ciang Elisha mun ah, “Ka thatlum tu ziam, topa ka thatlum tu ziam?” ci in dongh hi.

Malachi 1:6

Vaanglianbelpa Topa in thiampite tungah, “Tapa khat in a pa thasia a, innteang khat in a topa zakta hi. Keima sia na pa ka hi a — banghangin hong patoai ngawl nu ziam? Keima sia na topa khi hi — banghang hong zakta ngawl nu ziam? Note in kei hong zawngsak napi, ‘Bangbangin hong zawngsak khu ziam?’ na ci lai uh hi.

Matthew 23:10

‘Lampuipa awng,’ zongh na kicisak heak vun, banghang ziam cile Messiah khat bek ma na lampui uh ahi hi.

Matthew 6:32

(Hite sia doai biate ii thinbot thei bul thute ahi hi.) Vantung a om na Pa in, hite theampo na kitaangsap uh hong he nginge hi.

Matthew 7:11

Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Sawltakte 22:1

“Ka mipui Jew te awng, note mai ah keima le keima ka kihuukna kammalte hong ngai tavun!”

1 Corinth te 4:15

Banghang ziam cile, na Tapidaw nuntakna sungah hong keam hong en tu 10,000 na nei hial uh zong pa khat bek na nei uh hi. Banghang ziam cile Christ taw kipumkhat in na nuntakna sungah Lungdamna Thupha note tungah kong puak hu in note ii pa ka suak zo hi.

2 Corinth te 6:18

Vaanglianbel Topa in, Keima in note ii Pa kong hi tu a, note sia ka tapate le ka tanute na hi tu uh hi, ci hi,” a ci hi.

Hebrew te 12:9

Ih leitung pate tungtaang ahile amate in daan hong pia a, eite zongh in zatakna ih pia hi. Tua ahile thaa lamsang ih Pa tungah bangza in ki aap zaw tu a, nungta zaw tu hi ziam!

1 John 3:1

Pa in ei sia bangza in hong it ziam tel tavun! Ama hong itna lian mama ahikom ei sia Pathian ii tate hong kici hi — tuabang takpi ma ih hi hi. Leitung in Pathian he ngawl ahikom leitung mite in ei hong he ngawl hi.