Matthew 23:8 - Syin Chin Bible

⁸ Note sia ‘Syapa’ kici ngawl tu nu hi, banghang ziam cile note sia unau khat vive hi a, Sya khat bek na nei uh hi.

Matthew 23:8 Iomraidhean Croise

Matthew 10:25

Tua ahikom, nungzui khat sia a syapa taw a kiban ciangin, lungkim tahen a, sal khat zongh in a topa taw a kiban ciangin, lungkim tahen. Baangkua pabel sia Beelzebul a kici le, a innkuan pui dangte zongh min a sia seseam taw kina tu hi.

Matthew 17:5

Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

Matthew 23:10

‘Lampuipa awng,’ zongh na kicisak heak vun, banghang ziam cile Messiah khat bek ma na lampui uh ahi hi.

Matthew 23:7

amate in vanhzuakna munah ngual ii paupui tu thangai a, ‘Syapa’ ci in a sap tu uuk uh hi.

Matthew 26:25

A leeheakpa Judas in, “Syapa, kei hong ci nuam na hi bua na ziam?” ci in dongh hi. Jesus in “Nangma ci bangma ahi hi,” ci in zo hi.

Matthew 26:49

Judas in Jesus kungah tangtan in pai a, “Thupha nga ta'n, Syapa,” ci in namh hi.

Mark 10:51

Jesus in, “Nang atu bang hong vawtsak lengh, na nuam ziam?” ci in dongh hi. “Syapa awng, khuamu thei kik nuam khi hi,” ci in zo kik hi.

Mark 11:21

Peter in bang thu om ci in ciamtee ahikom Jesus munah, “En in, syapa awng, theikung na haamsiat sia thi zo hi!” ci hi.

Mark 14:45

Judas hong thet po ciangin Jesus kungah pai in, “Syapa awng!” ci in namh hi.

Mark 9:5

Peter in Jesus munah, “Syapa awng, hi sungah ih om sia bangza in pha ziam! Buk thum sa tawng, khat nang atu, khat Moses atu, khat Elijah atu,” ci hi.

Luke 22:32

Ahihang, Simon awng, na upna a lal ngawl natu in, thu kong ngetsak hi. Tuaciang kei sangah nong kiheak kik ciangin na suapuite a tha khosak tu ni hi,” ci hi.

John 1:38

Jesus kiheak a, amate in a nung a zui a mu ciang, “Bang zong nu ziam?” ci in dongh hi. Amate in, “Koisung a teang ni ziam, Rabbi awng,” (“Syapa” a cinopna) ci in dongh uh hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 11:8

A nungzuite in, “Syapa awng, tu nung hiat ma in, tua munah mihingte in suang taw hong deang nuam zo hi; pai kik sawm lai ni ziam?” ci in zo uh hi.

John 20:16

Jesus in, “Mary awng!” ci hi. Numeinu ama sangah nga in, Hebrew kam in, “Rabboni!” ci hi. (Hi kammal sia Syapa a cinopna hi.)

John 3:2

Zan khat Jesus kungah ama pai in, “Rabbi awng, nang sia Pathian ii sawl sya khat hi ci in kong he uh hi. Pathian in hong ompui buale, na vawt nalamdang laknate, kuama in vawt thei ngawl tu hi,” ci hi.

John 3:26

Tua ahikom amate John kungah pai in, “Syapa awng, Jordan ngun nisuana sangah nang taw a om ngei ama thu na sawson sia, na ciamtee lai ziam? Tu in ama zongh in, tuiphum a, a kuama po in, ama kung zuan tek uh hi!” ci hi.

John 4:31

Tua hun sungin, a nungzuite in Jesus munah, “Syapa awng, bang khat pawpo ne in!” ci uh hi.

John 6:25

Mihingte in tuili langkhat ah Jesus a mu uh ciangin, ama munah, “Syapa awng, hi sung bang hunin theng ni ziam,” ci uh hi.

John 9:2

A nungzuite in, “Syapa awng, akua mawna hangin, ama mittaw sa a suaksak ziam? Ama mawna hang ziam maw, a nu a pate ii mawna hang ziam,” ci in ama dongh uh hi.

2 Corinth te 1:24

Na up hamtang tu uh thu sia hamtangin kong sawl buatu uh a, na upna uh kip hi ci in kong he uh hi. Noma lungdam natu in note taw na a seam khawm ka hizaw uh hi.

2 Corinth te 4:5

Banghang ziam cile, kote kong hil thu in koma ii thu ahi bua hi; Jesus Christ sia Topa hi ci in kong hil uh a, Jesus hangin note ii naseamte bang ka hi uh hi.

Ephesus te 3:15

ama tung pan vantung le leitung ah a om innkuan sim in a min maan a nga uh hi.

Philemon 1:16

Tu in ama sia sila khat lel po hi nawn ngawlin, sila dinmun tungsia ah om zo hi: ama sia Christ sungah ih it suapuipa khat hi zo ta hi. Ama sia kei atu in bangza in, manpha ziam! Tuaciang nang atu zonghin, sila khat a hina le, Topa sungah suapuipa khat a hina taw bangza in manpha zaw lai tu ziam!

James 3:1

Ka suapuite awng, note sya seam nuam tam na om heak vun. Na heak uh bangma in ngualdang sangin ko syate tungah nasia zaw in thu hong kikhen tu hi.

1 Peter 5:3

Noma ii kep tu a hong ki aapte tungah zawthawkna taw uk tu hanciam ngawlin, tuuhon atu in a ettee pha na hizaw vun.

Thupualaakna 1:9

Keima in na suapuipa John ka hi a, tuaciang Jesus nungzui khat ka hina taw Pathian ngam lua tute ii thuak tu vawtsiatna noma taw a kibangin a thuak kenkon na seppuipa ka hi hi. Kei sia Patmos tuikulh tungah hong kikoi hi, banghang ziam cile, Pathian kammal le Jesus ii hong pualaak thumaan thutak ka thansak hang ahi hi.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.

Thupualaakna 22:9

Ahihang ama in kei tungah, “Kei hong bia heak in! Keima in nangma le na suapuite ahi kamsaangte le hi laibu sungah a om thute a zuite theampo taw naseam khawm khat ka hi hi. Pathian bia in!” hong ci hi.