Matthew 23:5 - Syin Chin Bible

⁵ Mihingte mu tu in amate in na theampo seam uh hi. Amate talki tung le a baante tungah laithiangtho kammal a ki at savun pheakte bangza in beak ziam, en vun! A laktong puasilh mong a teapkaaite zongh bangza in sausak ziam!

Matthew 23:5 Iomraidhean Croise

2 Kumpite 10:16

“Keima taw paikhawm tawng, Topa tungah bangza in kipia khi ziam nangma ma in hong mu ta'n,” ci in son kawm hi. Tuaciang amate Samaria ah leang taw paikhawm uh hi.

Pusuana 13:9

Hi ngeina poai vawtna in na khut ah ahibuale na tal tungah na khat a kikhit bangin, tua in Topa thukham hong phawksak tawntung tu hi. Tua in Topa thukham na sin tu le na sim tawntung natu in hong phawksak tu hi. Banghang ziam cile Topa in a vaangletna taw Egypt pan note hong pusuapui hi.

Paunakte 3:3

Thuciipna le thumaanna thasua ngei heak in. Na ngawng kiimkot ah vet in a; na lungtang tungah at in.

Thiampite 13:32

Thiampipa in ni sali ni in a meima en kik tu a, beak zaw ngawl, a sungah mul eng om ngawlin, a kiim a vunte sangin a dum zaw tuan buale,

Matthew 9:20

Kum sawm le kum nii tawntung chibua natna a vei numei khat Jesus nung pan hong pai a, a puanmong tham hi.

Luke 16:15

Jesus in, “No sia noma le noma ngual mai ah a kithutangsakte na hi uh hi, ahizong Pathian in na thinsung theampo hong he hi. Banghang ziam cile mihingte ii thupisak nate sia Pathian muna ah man a nei bua hi.

Luke 20:47

Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

John 12:43

Amate in, Pathian ii lungkimna sangin, mihingte lungkimna dei zaw uh hi.

John 5:44

No khat le khat kipok tu na thangai uh hi, ahihang khat bek ahi Pathian tung pan pokna nga tu na hanciam bua uh hi; tua ahile bangbangin kei hong um thei tu nu ziam?

John 7:18

Ama aituam thuneina taw a paupa sia, ama atu bek minthanna nga nuam a hanciam ahi hi. Ahihang a sawlpa ii minthan natu a deisakpa sia thumaan a, ama sungah leilot thu a om bua hi.

Thuhil kikna 11:18

“Hi kong thupiakte na thin le na lung sungah ciamtee vun. Na baan ah sawm tavun a, hong phawksak tu in na tal ah suang vun.

Thuhil kikna 22:12

“Na puan king li ah zepna teapkaaite koi vun.

Thuhil kikna 6:8

Tuate hong phawksak kik tu in na baan ah khit vun a, na talki ah suang vun.

Philippi te 1:15

Amate sung panin pawlkhatte ahile eenna le kingal vawtna thin taw Christ thuhil a, ahizong a dangte in thupha deina takpi taw hil uh hi.

Philippi te 2:3

Kaangsung atu tupna bek taw ahizong, kisak thei nopna lel taw ahizong bangma seam heak vun, tua hi ngawlzaw in, khat le khat ii tungah kiniamkhiakin noma sangin ngualdangte a phazaw in ngaisun tawntung zaw vun.

2 Thessalonica te 2:4

Ama in pathian a kici theampo ahibuale biak thei theampo langpan tu a, tuate tungsia ah ama le ama kikoi tu hi. Ama in Pathian Biakinnpi sung ngawngawn ah tum in to tu a, Pathian ka hi hi ci tu hi.