Matthew 23:39 - Syin Chin Bible

³⁹ Hong ci khi hi; tu pan kipan, ‘Topa min taw hong pai pa sia Pathian in thupha pia tahen,’ na ci uh mateng in, kei nong mu kik nawn buatu hi.” a ci hi.

Matthew 23:39 Iomraidhean Croise

Psalm Late 118:26

Topa min taw hong pai pa, Pathian in thupha pia tahen! Topa Biakinn panin nang thupha kong pia uh hi.

Hosea 3:4

Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

Luke 17:22

Tua zawkciang a nungzuite munah “Hun khat ciangin note in, Mihing Tapa ii nite sung pan ni khat beak, na mu nop tu hun hong theng tu hi, ahizong na mu buatu uh hi.

John 14:19

Tawmvei zawkciangin, leitung in kei hong mu nawn ngawl tu hi, ahizong note in nong mu tu uh hi; tuaciang keima nungta ka hikom no zongh na nungta tu uh hi.

John 14:9

Jesus in, “No teng taw khuangei mama hong omkhawm zo khi hi; tua hi napi Philip awng, hong he ngawl lai ni ziam? Kei hong mu po in Pa a mu zo hi. Tua ahile banghangin ‘Ko, Pa hong lak tan’ ci ni ziam?

John 8:21

Tuaciang Jesus in, “Kei ka pai tu hi; nong zong tu uh a, ahizong na mawnate sungah na thi tu uh hi. Ka pai natu munah, na pai thei buatu uh hi,” ci hi.

John 8:24

Na mawnate sungah thi tu nu hi, kong ci sia tua hang ahi hi. Tuaciangin, ‘Keima sia keima ka hi hi,’ ci in nong um bua uh le, na mawnate sungah na thi tu uh hi,” ci in Jesus in zo hi.

John 8:56

Na pa uh Abraham in kong pai hun a mu tu sia lawp hi; ama in mu zo a, a lungdam hi,” ci in zo hi.

Romete 11:25

Suapuite awng, thumaan thutak ahi thuku khat a om sia na heak tu uh ka dei hi. Tua in noma le noma ciim na kisakna uh hong khaam tu hi. Hi thu ahi hi. Israel mite thinpuina sia a tawntungin a om tu hi ngawl hi. Ahihang Pathian kungah Gentile mite a theng tu in a kisee za a cin dong bek hi tu hi.