Matthew 23:37 - Syin Chin Bible

³⁷ “Jerusalem, Jerusalem awng! Nang in kamsaangte na thatlum a, Pathian kamtaite suangtum taw na hua hi. Akpui in aknote a thakhui nuai ah a uap bangin, bang tanvei na mihingte angvan nuam khi ziam? ahihang na oai bua hi!

Matthew 23:37 Iomraidhean Croise

Nehemiah 9:26

“Ahizong na mite in nang hong leedo a, na thu hong nial hi; amate in na Thukham nungngat uh hi. Amate in nangma kung hong heak kik natu a son, a kidop thei natu in thu a pia kamsaangte that uh hi. Amate in hun khat zawk hun khat nang hong simmaw uh a,

Psalm Late 17:8

Na mittang mama na kep bangin kei hong keam ta'n a,

Psalm Late 36:7

Pathian awng, na itna kip sia, bangza in manpha ziam! Na thakhui ii limh nuai ah kote in kidalna ka nga uh hi.

Psalm Late 57:1

Kei hong hesuak ta'n, Pathian awng, kei hong hesuak ta'n, banghang ziam cile ngammuanna nga natu in nang kong zuan hi. A nasia mama vuipi suangvalte a thim dong na thakhui ii limh nuai ah kidalna ka nga hi.

Psalm Late 63:7

banghang ziam cile nangma in a tawntungin kei hong hu pa na hi hi. Na thakhui ii limh nuai ah lungdam in la ka sa hi.

Psalm Late 91:4

Ama in a thakhuite taw nang hong uap tu hi; ama khoina sungah na ngammuang tu hi; Ama thumaanna in nang hong dal tu a, hong hung tu hi.

Isaiah 5:4

Hisia atu ka sep laak bang om ziam? Tuaciang ka muanmawk bang sapit phate piang ngawl a, banghang sapit thuk piang thong ziam?

Isaiah 50:2

“Ka mite hun tu kong pai ciang banghangin ka mite in hong awlmawk ngawl ziam? Ka sap ciang amate in banghang hong zo ngawl ziam? Amate a hun tu in keima thazawm lei ka hi ziam? A sungah a om ngasate tui kisamh in a thi natu sia ka thupiakna taw in tuipi tui ka kangsak thei a, ngunte sennealngam ka suaksak thei hi.

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Jeremiah 26:23

Amate in Uriah sia Jehoiakim kumpipa kungah puak kik uh hi. Kumpipa in Uriah thatlumsak in a luang sia nautaang kiphumna thaan sungah vawk hi.)

Jeremiah 32:31

Hi khua mite in khuapi a sak ni pan kipan ka thin hong uuksak a hong thangsiasak hi. Tua khuapi sia suksiat tu in ka khensat zo hi,

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 36:26

Tua zawkciang kumpipa in keima le ka thuzeakpa Baruch man tu in kumpipa tapa Jerahmeel sia Azriel ii tapa Seraiah le Abdeel ii tapa Shelemiah taw zongh thupia khawm hi. Ahihang Topa in ko hong phual hi.

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Jeremiah 44:4

Ka naseam kamsaangte note kungah tatsat ngawlin kong paisak a, amate in ka ngaimawk a lauhuai, hi na sia na vawt ngawl natu in note hong son uh hi.

Jeremiah 6:8

Jerusalem mite awng, hi ngimnate sia na kidop natu uh hi tahen, tua ahibuale no kong nusia tu hi; na khuapi sia kuama ii ten ngawlna mun sennealngam ka suaksak tu hi,” ci hi.

Hosea 11:2

Ahihang ama ka sap a tam vaial ciang hong nungngat san vaial hi. Ka mite in Baal tungah sangaw biakpiakna pia hi; amate in milimte atu in ngimnamtui hal uh hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 7:13

“Amate a lal hi zo hi! Amate in kei hong taisan a, hong langpan hi. Amate kisusia tu hi. Amate suatak nuam ka hihang amate ii kei hong biakna maan ngawl hi.

Zechariah 1:4

Na taanghpupite taw kibang nawn heak vun. Khuangeipi lai in kamsaangte in amate kungah ka thupuak sonin, ngamtat sia, mawna taw a nuntak nawn ngawl natu in thuhil uh hi. Ahihang amate in ka thu hong ngai nuam ngawlin hong mang nuam bua uh hi.

Matthew 22:3

Ama in a naseamte sawl a mopoai hong siim natu in, khualhilsak hi. Ahihang amate pai nuam ngawl hi.

Matthew 22:6

a dangte in kumpipa naseamte pummat a, velin thatlum uh hi.

Matthew 23:30

Tuaciangin ka taanghpupite khan lai in, a nungtate hi le ung amate ii septe seam buan ci ung, kamsaangte that buan ci ung, ci nu hi.

Matthew 23:31

Tua ahikom kamsaangte a thatlumte ii suante na hi uh hunlam noma pauna panin kipholaak na hi uh hi.

Matthew 5:12

Na thinnuamsak vun, lungdam vun, banghang ziam cile vantung ah na thaman saan tu hong kikoisak sia lian mama hi. Taanghlai kamsaangte zongh tuabang ma in, na kivawtsia hi.

Luke 15:28

A tapa lianzaw sia thin uuk mama a, inn sung zongh ah a tum nuam bua hi; tua ahikom a pa pusuak a, a tapa ii hong sungtan natu kun hi.

1 Thessalonica te 2:15

tua Jew te in Topa Jesus le kamsaangte thatlum a, ko hong vawtsiate ma ahi uh hi. Amate Pathian atu in bangza in lungkimhuai ngawl tu ziam! A kuama po atu in amate bangza in ngal ciipha ahi ziam!

Thupualaakna 17:6

Tuaciang numei nu sia Pathian ii mihingte chisan le Jesus tungah a thumaan uh hu in a kithatte chisan sia zukham bangin a kham ka mu hi. Ama ka mu ciangin lamdang ka sa mama hi.

Ruth 2:12

Na sepsa na vawtsa tungtaang Topa in thaman hong pia tahen. Ama ii hong pao hong dal tu in Israel te Topa Pathian na belh hu in ama in thaman kicing hong pia tahen!” ci in zo hi.