Matthew 23:33 - Syin Chin Bible

³³ Ngul le ngul ii suante awng, hell sungah hong kikhiak suk natu panin, bangbangin suakta tu in ki um nu ziam!

Matthew 23:33 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Isaiah 20:6

Tuasia hun a thet ciang, Philistia ngam tuipi dung ah a teang mite in, ‘Assyria kumpipa kung pan ei hong dal tu in ih suan ih muanbel mite bang tat thong ziam, en vun! Eite bangbang nungta nawn thong tu hi ziam’ a ci tu uh hi,” ci hi.

Matthew 12:34

No ngul ngilo suante awng — mihing ngilote na hi uh ciang, bangbangin thupha son thei tu nu ziam? Banghang ziam cile thinsung pan a, a dimleet teng sia kam panin kipau ahi hi.

Matthew 23:32

Tua ahiciang na taanghpupite ii patsa nate na zaw dong seam vet tavun!

Matthew 3:7

Pharisee te le Sadducee te tam ma ama kungah tui kiphum tu in, hong pai a mu ciangin, amate tungah, “No ngul ngilote awng — Pathian ii daan hong piak natu panin suakta tu nu hi ci in akua in hong son ziam?

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Luke 3:7

Mihonpite sia John ii tuiphum tu in, hong pai tek uh hi. Amate tungah, “No ngul honte awng, Pathian ii hong tunsak tu daan pan, suakta thei tu nu hi ci in akua in no hong son ziam?

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

2 Corinth te 11:3

Eve sia ngul ii leilot pilnate taw a theam bangma in — na thinsung uh lalin Christ tungah a kicing le a thiangtho in na kipiakna uhte na nusiat thaak tu uh ka lau hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!

Hebrew te 2:3

Tua hi a, hi zata in a lian ngupna thusim buathong leang bangbangin suakta tu hi ziam? Topa ama mama in hi ngupna thangsak masa a, tuaciangin a zate in ei tungah tua thu a maanna hong lak zo hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.