Matthew 23:23 - Syin Chin Bible

²³ “Thukham hil syate le Pharisee te awng! A kihitheamsakte awng! No atu in bangza lauhuai ziam? An mee sungah hel thei lonamsia, masala le thing namtuite dongin, see sawm sua see khat sia Pathian na pia uh hi, ahihang Thukham sungah a kihil a thupi tatak ahi, thukhaikimna, hesuakna le thumaannate na awlmaw bua uh hi. Hite zongh na zak tu uh hi a, a dangte zongh na awlmawk ngawl tu hisaap ngawl hi.

Matthew 23:23 Iomraidhean Croise

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Isaiah 28:25

Khatvei lei laaihin a puua zawkciang ama in taang cite le an namtuisak ankung cite poai hi. Ama in zungtaang le mangtaang te a ngual in tu a, a lo hui sangah ancii dangte tu hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Hosea 6:6

Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Thiampite 27:30

Na leitang pan a piang theampo, an le thingngate sawm a khat Topa ii neisa ahi hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Matthew 12:7

Laithiangtho in, ‘Thuthiamna ka dei a, sangaw biaknate ka dei bua hi,’ a ci sia he tatak hi le uhte, a maw ngawl khat sia mawsak lalai ngawl tu nu hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 9:13

‘Sangaw biakpiakna ka dei bua a, cikna thuthiamna bek ka dei hi,’ ci laithiangtho ii khiakna sia kan phot tavun. Mihingphate sam tu in kong pai bua a, mawneite sam tu in kong pai hi,” ci in zo kik hi.

Luke 11:42

“No Phariseete atu bangza in lauhuai ziam! Pathian atu in, ante, lonamsia, bokbawnkha le khuahun zui in a piang an tuatuamte tung pan sawm a khat na pia uh hi. Ahihang Pathian it natu le thutang khenna ngaingon nu hi. A dangte zongh ngaingon tuan ngawlin hite na sep tatak tu uh ahi hi.

Luke 18:12

Nipi khat sungah ni nii an ka tang a, ka nga sung panin, see sawm sua see khat nang kong pia hi,’ ci in thungen hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.