Matthew 23:2 - Syin Chin Bible

² “Thukham hil syate le Pharisee te sia Moses Thukham a pheen thei tu, thu neite ahi hi.

Matthew 23:2 Iomraidhean Croise

Ezra 7:25

“Nangma Ezra in na Pathian hong piaksa ciimna zanghin, na Pathian Thukham bangin a nungta Euphrates Nitumna sang mite theampo a uk tu ngamukte le Thukhente panmun na pia tu hi. A he ngawl laite theampo tungah tua Thukham na hil hamtang tu hi.

Ezra 7:6

Ezra sia lai thiam mipil khat hi a, Topa, Israel te ii Pathian ii Moses tungah a piak Thukham teng he sitset hi. Ezra in Topa a Pathian thupha nga ahikom, a nget theampo kumpilianpa in pia hi. Artaxerxes ii kumpi maan hun a kum sali kumin Ezra sia thiampite, Levi te, biakinn music thiamte, biakinn cingte le naseamte a kihel Israel te honkhat taw Babylon pan Jerusalem zuan hi.

Malachi 2:7

Pathian a maan bang a heak takpi natu in hilna sia thiampite vaipuak ahi hi. Mite in amate kungah pai in ka deina a sin kul hi, banghang ziam cile amate sia Vaanglianbelpa Topa ii kamtaite ahi uh hi.

Matthew 23:3

Tua ahikom amate in vawt a hong sawl peuma ni in zui vun; ahihang amate ngamtatnate zui heak vun, banghang ziam cile amate in a hil uh bangin ngamta ngawl uh hi.

Mark 12:38

Amate a hil kawmin hi bangin ci hi, “Puantual silhin sumzuakna munah, ngual in zatak vawtin a biak tu thangai in, a vak thanuam Thukham hil syate kung panin kikeam vun,

Luke 20:46

“Thukham hil syate panin kikeam tavun, amate puantual silh in, vak nuam a, vanhzuakna munah ngual ii zatak tu thangai hi; amate in synagogue te sungah a kikhaam kholsa tona ah to tha nuam uh a, anneak poaite ah mun phabelna ah to nuam hi.

Thuhil kikna 33:3

Topa in a mite it a, ama ii neisa mite sungsia hi. Tua ahikom, eite a peang ah kunin ama thupiakte ih zui hi.