Matthew 23:15 - Syin Chin Bible

¹⁵ “Thukham hil syate le Pharisee te awng! No a kihitheamsakte awng! No atu in bangza in lauhuai ziam? Noma upna sungah mihing khat na nga thei natu in, tuipi tungah pai a, ngam theampo kaantan in pai nu hi; tuaciang tuabangin nungzui khat na nga zawk uh ciang, noma sangin hell ngam sungah a zaa nii in theng tu in a kilawm suaksak nu hi.

Matthew 23:15 Iomraidhean Croise

Esther 8:17

Kumpipa ii thu thansakna lai a kisimna mun theampo, khuapi sim le ngamke sim ah Jew te in lungdam anneakpoai vawtin, lungdam poaikham ni nei kawkoai uh hi. A tatakin ci leang tu in midang tam mama in Jew te a kiitak hu in, Jew te suak uh hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 3:7

Pharisee te le Sadducee te tam ma ama kungah tui kiphum tu in, hong pai a mu ciangin, amate tungah, “No ngul ngilote awng — Pathian ii daan hong piak natu panin suakta tu nu hi ci in akua in hong son ziam?

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Matthew 5:29

Tua ahikom na mit ziatsang in hong mawsak le khelkeak in vawk in! hell sungah na pumpi bup in na pai sangin, pumpi cing ngawlin, om lete phazaw hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

Sawltakte 13:10

“Nang Doaimangpa tapa awng! Nang in a pha ci theampo ii ngalin pang ni hi. Nang in ngitlo thimthel pilna theampo taw kidim ni hi, tuaciangin, Topa ii thumaan thutakte sia leilot thu suaksak tu in hanciam tawntung ni hi!

Sawltakte 13:43

Kikhopna panin mipite a cia zawkciangin, Paul le Barnabas sia Jew mi tam mama le Jew te biakna sungah a tum Gentile mi tam mama in zui uh hi. Pathian ii thuthiamna sungah kip in, a nuntak natu sawltakte in, amate sonpui in hanthawn uh hi.

Sawltakte 14:19

Pisidia ngam Antioch khua pan le Iconium panin Jew te pawlkhat hong pai hi; amate sangah mihonpite zol zo in Paul sia suang taw deang a, tuaciang thi zo sa ahikom khua pua ah taalkai uh hi.

Sawltakte 14:2

Ahihang a um nuam ngawl Jew te in, Gentile te holin thu umte langpansak hi.

Sawltakte 17:13

Ahihang Thessalonica ah a om Jew te in, Pathian kammal sia Bereate tung zongh ah, Paul in hil zo hi ci in, a zaak uh ciangin, hong pai a, mihing ngilo nuam honkhat hol hi.

Sawltakte 2:10

Phrygia le Pamphylia pan, Egypt le Cyrene taw a kinai Libya pan, pawlkhat Rome pan,

Sawltakte 6:5

Pawl buppi ma in sawltakte ii ngaisut piakna bangin, lungkim uh ahikom, amate in, Thaa Thiangtho le upna taw a kidim Stephen, Philip, Prochorus, Nicanor, Timon, Parmenas, le Nicolaus a kici Antioch khua pan, Jew biakna ah tu mahiat in a kikheal Gentile mi khat teal uh hi.

Galatia te 4:17

Tua midangte in note nasia takin hong thinnuammaw hi, ahihang amate tupna le sawmnate pha ngawl hi. Amate ii no hong kin bangin no zongh amate na kin thei natu in, no le kei hong khen nuam ahi hi.

Galatia te 6:12

Note tungah zawthawk thu taw vunteap hong atsak nuamte sia, a puatham thute ah kisa thei a, a kisuangtaakte ahi hi. Ahizong amate ii tuabang a vawtna sia, Jesus ii Thinglamtee hu in amate in vawtsiatna a thuak bua thei tha le ci in a ngaisut uh hang bek ahi hi.

Ephesus te 2:3

A tatakin eite zongh, amate bang ih hi ngei a, ih pianpui lungngulnate taw ih nungta zo hi, ih pumpi le ih thinsung taw a kisi bangin ih seam ih vawt hi. Ih pianlim in ngualdang bangma in, Pathian thin uukna thuak tu in, a kiciangtan sa ih hi hi.