Matthew 23:13 - Syin Chin Bible

¹³ “Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 23:13 Iomraidhean Croise

Isaiah 33:14

Zion ah mawnei mihingte lau na taw liing uh hi. Amate in, “Pathian ii thukhenna sia a kuang tawntung mei khat taw kibang hi. Tuabang meikuang sung pan akua suakta zo thong tu ziam?” ci uh hi.

Zechariah 11:17

Tua a mannung ngawl tuucingpa a lal hi zo hi! Ama in a tuuhonte nusia zo hi. Ama thahatna sia ngalte in lalcipsak tu hi. A baan ngawtaak tu a, a mit ziatsang taw tu hi,” hong ci hi.

Matthew 23:16

“Mittaw ngual lamlakte awng! No atu in bangza in lauhuai ziam? ‘Biakinn taw a kiciamte a kamciam a peal hangin phamaw ngawl hi; ahihang Biakinn sungah khamhte taw a kiciamte sia a kamciam bangin a vawt uh kul hi,’ na ci uh hi.

Matthew 23:23

“Thukham hil syate le Pharisee te awng! A kihitheamsakte awng! No atu in bangza lauhuai ziam? An mee sungah hel thei lonamsia, masala le thing namtuite dongin, see sawm sua see khat sia Pathian na pia uh hi, ahihang Thukham sungah a kihil a thupi tatak ahi, thukhaikimna, hesuakna le thumaannate na awlmaw bua uh hi. Hite zongh na zak tu uh hi a, a dangte zongh na awlmawk ngawl tu hisaap ngawl hi.

Matthew 23:25

“Thukham hil syate Pharisee te awng! A kihitheamsakte awng! No atu in bangza lauhuai ziam? Hai le kuang sia a puasang teng na sil uh hi, ahizong sungsang sia zawthawk thu le duhopna taw na nga uh nate taw kidim hi.

Matthew 23:27

“Thukham hil syate le Pharisee te awng! A kihitheamsakte awng! No atu in bangza lauhuai ziam? No sia suangkaangtui taw a kizut thaankul taw kibang nu hi, tuate sia a puasang hoi ahihang a sungsang ah mithi ngu le mithi muat taw kidim hi.

Matthew 23:29

“Thukham hil syate le Phariseete! A kihitheamsakte awng! No atu in bangza lauhuai ziam? Kamsaangte atu in thaankuul sia a et hoi tu in na vawt uh a, miphate atu in, tepteena khan sia na zepsak uh hi;

Matthew 3:7

Pharisee te le Sadducee te tam ma ama kungah tui kiphum tu in, hong pai a mu ciangin, amate tungah, “No ngul ngilote awng — Pathian ii daan hong piak natu panin suakta tu nu hi ci in akua in hong son ziam?

Luke 11:52

“Thukham hil syate awng, no atu in, bangza in lauhuai ziam! Heakna kikholna inn kongkha tawtangte na keam uh hi; tua inn sungah noma tatak na tum nuam bua uh a, tum tu in a hanciamte na khaktan uh hi!” ci hi.

John 9:22

Jew biakna thuneite ii lungkimna sa khat om a, a kuama po Jesus sia Messiah hi ci in a um peuma, synagogue sung pan kihawlkhia tu hi, ci ahikom amate in Jew biakna thuneite a kiitak hu in, a nu le a pa in hi bangin ci ahi hi.

John 9:24

Mittaw sa a suakpa sia, a nii veina sam kik uh a, ama tungah, “Thumaan ka son tu hi, ci in Pathian mai ah kiciam in! Nang hong damsak pa sia, mimaw khat hi ci in he khu hi,” ci uh hi.

John 9:34

Amate in, “Nang sia mawna sungah suak a, mawna sung ma a khangto ni hi — ko hong hil tu in hanciam ni ziam?” ci in zo uh hi. Tuaciangin amate in ama synagogue panin hawlkhia uh hi.

Sawltakte 13:8

Ahihang mitbum thiampa Elymas (Greek min) in amate langpan hi, ama in ngamuk mangpa sia tua upna panin, a lampial natu in, hanciam hi.

Sawltakte 5:28

“Hisia pa min taw thu hilcian thei nawn ngawl tu nu hi, ci in nasia takin thu kong pia zo uh hi; ahihang tu in bang vawt kik nu ziam! Jerusalem khuathing ah, na thu hilcianna uh kizelsak zo a, ama thina thu kote maw hong pusak nuam nu hi!” ci hi.

Sawltakte 5:40

Sawltakte sungtang in sawl a, vel in, Jesus min taw a hil nawn ngawl natu thupia hi; tua zawkciang amate tha uh hi.

Sawltakte 8:1

Tuaciang Stephen a thalupna sia Saul in lungkimpui hi. Tua ni mama in Jerusalem a om pawlpi sia vawtsiatna nasia takin thuak tu kipan hi. Sawltakte simngawl thu um dangte theampo sia Judea le Samaria ngamkhente sungah kithethaang siat uh hi.

2 Timothy 3:8

Jannes le Jambres in Moses a langpan uh bangma in — hi mihingte in thumaan thutak langpan uh hi. Amate sia a khua ngaisutna uh naseam ngawl a upna sangah a lel ahi uh hi.

2 Timothy 4:15

Nang mama zongh ama tungtaang ah na kidawm in, banghang ziam cile ama in ih ngupna thuhilnate nasia takin hong langpan hi.