Matthew 23:12 - Syin Chin Bible

¹² Akua po ama le ama a kiliansak sia kiniamsak tu a, a kuama po a kiniamkhiak sia, thupi in kikoi tu hi.

Matthew 23:12 Iomraidhean Croise

Job 22:29

Pathian in a kiphasakte khia suk a, a kiniamkhiakte hun hi.

Psalm Late 138:6

Nang sia tungsang ah, saang mama na hihang, a kiniamkhiakte na khoi a, a kiphasakte sia nang kung panin a buu thei bua hi.

Paunakte 15:33

Topa thasiana in pilna heakna khat ahi hi. Patoaina na saan thei ma in na kiniamkhiak masak kul tu hi.

Paunakte 29:23

Kisaktheina in, kiamsukna sung hong then tu a, ahizong na kiniamkhiak le hong kizakta tu hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Matthew 18:4

Vantung ngam sungah a lianbel sia in, ama le ama kiniamkhiak a, hi patang bang ahite ahi hi.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Luke 18:14

A tatak ka ci ciang, Pharisee pa bang hi ngawlin shiadongpa sia mipha tangin cia hi. Mihing simin a kiliansakte kiniamsak tu a, a kiniamkhiakte a thupi in kikoi tu hi,” ci hi.

James 4:6

Ahihang Pathian hong piak thuthiamna sia khohzaw kan lai hi. Laithiangtho in “Pathian in a kiphasakte nalh a, ahihang a kiniamkhiakte thuthiamna pia hi,” a ci bangma hi.

1 Peter 5:5

Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.

1 Peter 5:6

Pathian ii thahatna khutnuai ah kiniamkhiak vun, tua hile ama ii hunpha hong tun ciangin ama in hong laamto tu hi.