Matthew 22:7 - Syin Chin Bible

⁷ Kumpipa thin uuk mama ahikom a ngalkapte paisak a, mihing that te thatlum in a khuapi halthapsak hi.

Matthew 22:7 Iomraidhean Croise

Daniel 9:26

Tua hun a bo ciang Pathian tealsa lampuipa sia thuak tuak ngawl bulin kithat tu hi. Tua khuapi le Biakinnpi sia ngal sim tu in hong kuan a thahat ngamukpa khat ii ngalkaphonpi in susia tu hi. A tawpna sia tuiliim bangin hong pai tu a, Pathian ii vawtkhol ahi ngal kisimna le suksiatna hong paipui tu hi.

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Joel 2:25

Khaumaw honte ii na lo an hong neaktumsak kumte sungah na sup uhte kong pia kik tu hi. Hi khaumaw honpi hong puak sia keima khi hi.

Joel 3:2

Minam theampo ka khawmtua tu a, Thukhenna Kuam ah ka paipui tu hi. Ka mite tung a, a vawt na sa theampo huvau in tua munah amate thu ka khen tu hi. Amate in Israel te ngamdang ah thethaang in, ka Israel ngam khentham uh hi.

Matthew 22:6

a dangte in kumpipa naseamte pummat a, velin thatlum uh hi.

Matthew 22:8

Ama in a naseamte sam a, ‘Ka mopoai kipat thei lian tu in, om zo ahihang ka khualhil sate mopoai taw kiphu ngawl hi.

Luke 19:27

Tu in a kumpipa tu in hong dei ngawl ka ngalte, hi munah hong paipui tavun a keima mai ah that vun,’ ci hi,” ci in son hi.

Luke 21:21

Tua hun ciangin Judea ngam a omte in, mualtung tu in tai tahen; khuapi sung a omte in khua a nusiat uh kul tu a, ngamsung a omte in khuapi sung zuan heak hen.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

1 Thessalonica te 2:16

Ngupna a piangsak tu thute Gentile te tungah ka hil tu uh ngawngawn khaktan tu in hanciam uh hi. Hi bangin amate ii a paltan tawntung sa mawna theampo pawlcingsak uh hi. Tu in Pathian thin uukna sia amate tungah a khakbel ciangin hong thengsuk zo hi!