Matthew 22:4 - Syin Chin Bible

⁴ Tua ahikom naseam dangte paisak a, khual a kihilte munah hi bang sawl hi. ‘Ka poai sia tu in a kipan thei tu hi zo hi; ka khuital le ka khuino thaute kingo zo hi, na theampo kinging sa in om zo hi. Mopoai ah hong pai tavun!’

Matthew 22:4 Iomraidhean Croise

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Paunakte 15:17

Ki etsatna a omna munah sa a limbel neak sangin na it mihingte taw antee neak khop sia phazaw hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Matthew 21:36

Leitang neipa in a silate a tamzaw paisak leleau hi, ahihang huanthote in a masate tungah a ngamtat uh bangma in, taa kik uh hi.

Matthew 22:5

Ahihang khual a kihilte in awlmawk ngawlin amate nasep tek ma sep san uh hi: khat in a lokuan a, a dang khat in a sumbuk ah pai in,

Matthew 22:8

Ama in a naseamte sam a, ‘Ka mopoai kipat thei lian tu in, om zo ahihang ka khualhil sate mopoai taw kiphu ngawl hi.

Luke 14:17

Anneak tu hun hong thet ciangin leangnate munah hi bang a sonna tu in a naseampa sawl hi, “Hong pai tavun, na theampo a kinging sa in om zo hi!”

Sawltakte 1:8

Ahihang Thaa Thiangtho note tungah hong pai ciang, vaangletna taw na kidim tu uh a, Jerusalem pan kipan Judea ngam bup le Samaria ngam le leimong dongin, ka tetti na hi tu uh hi,” ci hi.

Sawltakte 13:46

Ahihang Paul le Barnabas in, hang seseam in thuson uh hi: “Pathian thu, no kungah hong kihil maksak tu kisamh hi. Ahihang tuasia nialin tawntung nuntakna taw noma le noma kiphu na kisak ngawl uh hu in, no hong nusia in, Gentile te kungah pai tu khu hi,” ci hi.

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?